गण्डकी प्रदेशका नव नियुक्त मुख्यमन्त्री पोखरेललाई अर्थमन्त्री यादवको बधाई

न्युज ब्यूरो, जनकपुरधाम । गण्डकी प्रदेशका नव नियुक्त मुख्ममन्त्रीमा कृष्णचन्द्र नेपाली पोखरेल चयन भएपछि प्रदेश नम्बर २ का आर्थिक मामिला तथा योजना मन्त्री विजय कुमार यादवले बधाई दिएका छन् ।

नेपाली काँग्रेस पार्टीका मुख्यमन्त्री पोखरेललाई आज नयाँ मुख्यमन्त्रीको रुपमा चयन गरेपछि जनता समाजवादी पार्टीका प्रदेश २ का अध्यक्ष समेत रहेका यादवले उनलाई बधाई दिएका हुन् ।

बधाई दिँदै मन्त्री यादवले विधि विधान र सँविधानमा लेखिएकोलाई कसैले काटन नसक्ने बताउँदै सँघीयता खारेजीको लागि प्रदेशदेखि केन्द्रसम्म षडयन्त्र नै षडयन्त्र गरेको पनि उल्लेख गरेका छन् ।

मन्त्री यादवले सँघीयता खारेजी गर्ने तत्वहरुले नव नियुक्त मुख्यमन्त्रीको पद तथा गोपनीयताको सपथपछि षडयन्त्रकारीहरु आफैँ पछि हटेको पनि बताएका छन् ।

प्रदेश प्रमुख सीताकुमारी पौडेलले संविधानको धारा १६८ (५) अनुसार पोखरेललाई मुख्यमन्त्री नियुक्त गरेको प्रदेश प्रमुखको कार्यालयका प्रवक्ता चण्डी आचार्यले पोखरेलले जानकारी दिए ।