गाउँ बस्तीमा पुगेर मास्क र सेनिटाईजर बाँडदै कमला युवा सँजाल

न्यूज ब्यूरो, धनुषा । समाजिक सँस्था कमला युवा सँजालले गाउँ वस्तीमा पुगेर मास्क र सेनिटाईजर वितरण गरिरहेका छन् ।

दाताहरुसँगको सहयोगमा कमला युवा सँजालले कमला नगरपालिकाको गाउँ वस्तीमा पुगेर युवाहरुले मास्क र सेनिटाईजर वितरण गरेका छन् । सो क्रममा नगरपालिकाको वडा नम्बर १, वडा नम्बर ४, वडा नम्बर ५ मा मास्कर र सेनिटाईजर वितरण गरेको हो ।

एकैदिनमा कमला युवा सँजालका पदाधिकारी तथा सदस्यहरुले गाउँ वस्तीमा पुगेर विपन्न सहित मास्क नभएका वृद्धवृद्धाहरुलाई विशेष केन्द्रीत गरी मास्क वितरण गरेको हो ।

यसका साथै बैँकमा जाने वृद्धवृद्धाहरुलाई मास्क नभएको अवस्थामा मास्क लगाइदिएका छन् । कमला युवा सँजालका अध्यक्ष विमलेश यादवको नेतृत्वमा गएको युवाहरुको समूहले विभिन्न ठाउँमा पुगेर मास्क सेनिटाईजर वितरण गरेको हो ।

अहिलेसम्म उनीहरुले ८००० बढी जनालाई मास्क र ५०० बढी साबुन वितरण गरिसकेका छन् ।