बोर्डरमा समान पास गराइदिने भन्दै हिँडेका नक्कली प्रहरी पक्राउ

न्यूज ब्यूरो, रौतहट । प्रदेश नम्बर २ को रौतहट जिल्लास्थितबाट एक नक्कली प्रहरी पक्राउ परेको छ ।

सोमबार जिल्ला प्रहरी कार्यालय रौतहटबाट खटिएको टोलीले गौर नगरपालिका २ स्थित महादेवपट्टीबाट स्थानिय रमन पटेलको ३० बर्षिय छोरा सुशिल पटेललाई पक्राउ गरेको हो ।

आफू प्रहरी कर्मचारी भएको भन्दै स्थानिय मानिसहरुलाई धाकरधम्की दिई स्थानिय जनमानसमा त्राश फैलाई तथा निषेधाज्ञाको समयमा मानिस र सामानहरु नेपाल भारत सिमाबाट आवतजावत गराईदिने प्रलोभन दिई स्थानिय मानिसहरुबाट रकम असूल गर्दै आएको पटेललाई पक्राउ गरिएको जिल्ला प्रहरी कार्यालय रौतहटले जनाएको छ ।

पटेललाई पक्राउ गरी अधिकार प्राप्त अधिकारीबाट थुनामा राख्ने अनुमति लिई थप अनुसन्धान भईरहेको छ ।