प्रदेश २ : श्रीमानले कुटेपछि श्रीमतिको ज्यान गयो

न्यूज ब्यूरो, सिरहा । श्रीमानको कुटाइबाट श्रीमतीको मृत्यु भएको छ । सिरहाको गोलबजार नगरपालिका–२ तेतरिया सुनुवार टोलका २२ वर्षीय ललित सदाको कुटपिटबाट उनकी श्रीमती २० वर्षीया सरितादेवी सदाको मृत्यु भएको हो ।

झगडापछि सुतेकी उनी बिहान मृत अवस्थामा भेटिएकी थिइन्। मृत्यु भएको हल्ला चलेपछि गाउँलेले प्रहरीलाई खबर गरको े इलाका प्रहरी कार्यालय गोलबजारका इन्सपेक्टर सन्तोष राईले जानकारी दिए ।

प्रहरीका अनुसार दुवैजनाले मदिरा सेवन गरी बिहीबार राति झगडा गरेको र श्रीमानले धकेल्दा घरको भित्तामा टाउको ठोक्किँदा चोट लागेको थियो। प्रहरीको प्रारम्भिक अनुसन्धानमा टाउकोको चोटकै कारण मृत्यु भएको खुल्न आएको छ ।

उनको श्रीमानलाई नियन्त्रणमा लिएको छ भने शब पोष्टमार्टमका लागि रामकुमार उमाप्रसाद स्मारक अस्पताल लहानमा राखिएको छ । मृतक सरिताका २ छोरी छन्। घटनाबार थप अनुसन्धान भइरहेको प्रहरी जनाएको छ |