भोकै रहेका विरामी, कुरुवा र सर्वसाधारणलाई महामारी व्यवस्थापन समिति खुवाउँछन खाना

न्यूज ब्यूरो, जनकपुरधाम । प्रदेश २ का अस्थायी राजधानी जनकपुरधामका विभिन्न अस्पतालमा उपचार गराइ रहेका कोरोना संक्रमित विरामीले सहजै खाना पाउने अवस्था नभएपछि महामारी नियन्त्रण तथा व्यवस्थापन समितिले २३ दिनसम्म निरन्तर खाना खुवाएको छ ।

भोकले कसैलाई ज्यान नगुमाउनु परौस भन्ने मुलनाराका साथ महामारी नियन्त्रण तथा व्यवस्थापन समितिले कोरोना संक्रमित र अन्य विरामसहित कुरुवाहरूलाई निःशुल्क खाना खुवाउने अभियान अन्तर्गत समितिले प्रादेशिक अस्पताल जनकपुरमा खाना खुवाएका हुन् ।

महामारी नियन्त्रण तथा व्यवस्थापन समितीका सदस्य सलामत राइनले भने, ‘अहिले निशेधज्ञाको अवस्था छ , एक त मानिसहरूसंग रोजगारी छैन त्यसमाथी अस्पतालमा भर्ना भएकालाई त आर्थिक स्रोत जुटाउन झैनै अप्ठ्यारो हुन्छ’ उनले बताए ।

महामारी नियन्त्रण र व्यवस्थापन समितिले जनकपुरधाममा आज २३ दिनदेखी विभिन्न अस्पतालमा रहेका विरामि ,कुरुवाहरूलाई निःशुल्क खाना वितरण गरिदै आइरहेको छ ।

प्रत्येक दिन १ सय ३० जना भन्दा बढी विरामी र कुरुवाहरूलाई खाना खुवाउदै आएको छ । अहिले सम्म जम्मा ३ हजार भन्दा बढी विरामी र कुरुवाहरूलाई निःशुल्क खाना वितरण गरको महामारी नियन्त्रण तथा व्यवस्थापन समितिले बताएको छ ।

आफ्नो ज्यानको प्रवाह नगरी दिन रात कोरोना संक्रमित र कुरुवाहरूको खाना खुवानुमा व्यस्त रहेका हुन्।

महामारी नियन्त्रण तथा व्यवस्थापन समितीका सदस्य कैयुम राइन, सलामत राईन ,मनिशा शाह, वसन्त साह, अकाश साह, कुनाल शर्मा, अक्षय अधिकारी, अभिषेक झा, सिबेन्द्र कुमार साह, सार्थक बछार, अशोक साह, विकास बिमल साह र अनान्द बिक्रम साहसमेत रहेका छन।