एमालेका पूर्व साँसद नेता 'योगनारायण यादव' को मृत्यू

न्यूज ब्यूरो, जनकपुरधाम । एमाले पार्टीका एमालेका पूर्व सांसद तथा पोलिटब्युरो सदस्य प्रभावशाली नेता योगनारायण यादवको कोरोना सँक्रमणबाट मृत्यू भएको छ ।

धनुषाको निर्वाचन क्षेत्र नम्बर १ मा एमालेबाट प्रभावशाली नेता मानिएको नेता यादवको कोरोनाबाट मृत्यू भएको नेता रामचन्द्र मण्डलले जानकारी दिएका छन् । उनले आफ्नो फेसबुकमा लेख्दै नेता यादवको कोरोना सँक्रमणबाट मृत्यू भएको उल्लेख गरेका छन् ।

प्रधानमन्त्री केपि शर्मा ओलीको विश्वासपात्र मानिएका नेता यादवको कोरोना संक्रमण भई मृत्यु भएको बताइएको छ। यद्यपि उनी मृगौला रोगबाट पिडित भई काठमाण्डौंमा उपचारार्थ थिए ।

मेडिसिटी अस्पतालमा मृगौलाको हप्तामा दुई दिन डायलाशिस गराउने गरेका नेता यादवको मृगौला प्रत्यारोपणका लागि समेत सवैै तयारी पुरा भइसकेको अवस्थामा उनलाई कोरोना संक्रमण भई बचाउन नसकिएको अस्पतालले जनाएको छ ।

उनको सहयोगी एमाले युवा नेता शम्भु साहका अनुसार चार दिन अगाडि मात्र उनी आफु स्वस्थ्य हुदै गएको बताएका थिए ।

केहि दिन अगाडि कोरोनाको केहि लक्ष्ण सहित स्वास्थ्य अवस्था बिग्रेपछि उनको थप उपचार भइरहेको थियो । प्रधानमन्त्री केपि शर्मा ओली समेत उनको स्वास्थ्य उपचारका विषयमा निरन्तर जिज्ञासा राख्ने गरेको साहले बताए ।

साहले भने, ‘हामी एउटा होनहार नेता र धनुषाको मजबुत पिलर गुमाएका छौं, जातीबादको अहिलेको राजनितिमा योगनारायण दाई सवैलाई मिलाएर अगाडी बढने नेता हुनुहुन्थ्यो ।’