सिरहाको लहान प्रहरीलाई नमस्ते रिकन्डिस हाउसद्धारा ५००० मास्क सहित सुरक्षा समाग्री

न्यूज ब्यूरो, सिरहा । प्रदेश २ को सिरहा जिल्लास्थित इलाका प्रहरी कार्यालय लहानलाई सुरक्षा समाग्री प्रदान गरिएको छ ।

सिरहाको लहान बजारस्थित रहेको नमस्ते रिकन्डिसन हाउस लहानका सँचालकद्धय छेदी राई उर्फ (अनिल) र अन्जन दाहालले ५००० मास्क, १० लिटर सेनिटाईजर र २५ पोका ग्लोब्स सहयोग गरेका हुन् ।

विश्वव्यापी रुपमा फैलिँदै गएको कोरोना भाइरसको नयाँ भेरियन्टको महामारीमा प्रहरीको सक्रियता र जिम्मेवारीलाई मध्यनजर गर्दै सो सुरक्षा समाग्री उपलब्ध गराएको हो ।

सो समाग्री लहानका डिएसपी डा. तपन दाहाललाई बुधबार दिउँसो हस्तान्तरण गरिएको हो । मास्क प्रहरीको प्रयोजन सहित आम नागरिकलाई नभएको बेलामा पनि सहयोग स्वरुप प्रयोग गर्न सहयोग गरिने जानकारी दिएको हो ।