कोरोनाले सर्लाहीमा २० सँक्रमितको मृत्यू, लकडाउनको शून्य प्रभाव

न्यूज ब्यूरो, सर्लाही । सर्लाहीमा कोरोना भाईरसको दोस्रो भेरियन्टको कोरोना भाइरसको सक्रमण घरघरमा फैलिएपछि स्थानिय स्तरमा त्रासको महौल सृजना भएको छ ।

भारतसंग भएको खुल्ला सिमाना , स्थानिय सरकार र प्रशासन लकडाउन पालना गराउन जिम्मेवार तथा स्थानिय स्तरमा कोरोना भाईरसलाई लिएर आम नागरिकहरु सचेत नहुदाँ सर्लाहीमा कोरोना भाईरसको भयावह स्थिति सृजना भएको छ ।

जिल्ला स्वास्थ्य कार्यालय सर्लाहीका स्वास्थ प्रमुख श्रवण नायकका अनुसार जिल्लामा सोमबारसम्म कोरोना भाइरसको संक्रमणबाट २० जनाको मृत्यु भएको छ भने ६८५ जना सक्रिय संक्रमित रहेका छन् ।
।
जेष्ठ १ गते शनिवारसम्म जिल्ला अस्पताल मलंगवाको पिसिआर प्रयोगशालामा १२०५ जनाको थ्रोट स्वाबको जाँच गर्दा ६२७ जनामा कोरोना संक्रमण भएको र १५ जनाको मृत्यु भइसकेको थियो । आइतवार ३ जना थपिएर मृत्यु हुनेको संख्या १८ पुगेको जि।प्र।कार्यालय सर्लाहीले दैनिक बुलेटिन मार्फत जानकारी गराएको छ ।

जेष्ठ १ गते सनिवारसम्म जिल्ला अस्पताल मलंगवाको प्रयोगशालामा ८१९ जनाको पिसिआर विधिबाट जाँच गर्दा ५३४ जना र ३८६ जनाको एन्टीजेन विधिबाट जाँच गर्दा ९३ जनामा कोरोना संक्रमण पुष्टि भएको थियो ।

अहिले जिल्लामा कोभिड–१९ सम्बन्धि उपचारको लागि १९० बेड र १४७ वटा अक्सिजन सिलिन्डर सहितको ९ वटा अस्पतालहरु संचालनमा रहेका छन् । मलंगवा अस्पतालमा १० वटा आसियु बेड र ४ वटा भेन्टिलेटर संचालनको तयारीमा रहेको अस्पताल प्रशासनले जानकारी गराएको छ ।

भारतसंग भएको खुल्ला सिमाना, सिमाना समयमै उच्च सर्तकता, सरकारी स्तरबाटै भएको चरम लापरवाही र स्थानिय नागरिकहरु कोरोनालाई लिएर सचेत नहुदाँ तराई लगायत ग्रामिण भेगका समुदायिक स्तरमा नै नयाँ कोरोनाको लहर महामारीको रुपमा फैलिएका छन ।

स्थानिय स्तरमा कोरोना फैलिएपनि स्थानिय स्तरको हाट बजारमा खुलेआम लकडाउनको उल्लंघन, विवाह ब्रतमा सुरक्षा मापदण्ड विनै भारी संख्यामा आम नागरिहरुको उपस्थिति, बिहेमा डिजे बाजामा समेत खुलेआम नाचगान हुदाँ समेत स्थानिय सरकार र प्रशासन मौन देखिन्छ ।