महामारी नियन्त्रण समितिद्धारा निरन्तर खाना वितरण

न्यूज ब्यूरो, जनकपुरधाम । महामारी नियन्त्रण व्यवस्थापन समितिद्धारा निरन्तर पाँचौ दिन अस्पतालहरुमा खाना वितरण गरिएको छ ।

युवायुवतिहरुको एक समूह महामारी नियन्त्रण व्यवस्थापन समितिले आईतबार पाँचौ दिन जनकपुरको विभिन्न हस्पिटलहरुमा खाना वितरण गरेको हो । प्रादेशिक अस्पताल जनकपुर सहित अन्य नीजि हस्पिटलमा पनि खाना वितरण गरिरहेको छ ।

समितिका अभियन्ता कैयुम राईन, मनिषा साह, अक्षय, अशोक सहितका टिमले प्रादेशिक अस्पताल जनकपुरको कोभिड वार्ड सहित अन्य वार्डहरुमा विरामी र कुरुवाहरुलाई खाना वितरण गरिरहेको छ ।

निरन्तर पाँचौ दिन खाना वितरण गरेको टिमले आवश्यक परेको ठाउँमा खाना खुवाउने अभियान चलाएको हो । उनीहरुले सुरक्षा समाग्रीहरु समेत वितरण गरिरहेका छन् ।