जनकपुर प्रादेशिक अस्पतालमाथप एक जनाको कोरोनाबाट मृत्यू

न्यूज ब्यूरो, जनकपुरधाम । जनकपुरधामस्थित प्रादेशिक अस्पतालमा थप एक जना पुरुषको कोरोना सँक्रमणबाट मृत्यू भएको छ ।

कोरोना सँक्रमणबाट अवस्था जटिल भएको महोत्तरी जिल्ला निवासी अन्दाजी बर्ष ५० को पुरुष जनकपुरको काब्या हस्पिटलमा उपचार गराइरहेका थिए । त्यहाँबाट प्रादेशिक अस्तपताल ल्याउँदा मृत्यू भएको बताइएको छ ।

उनको आईतबार दिउँसो करिब ४ बजेको समयमा उनको मृत्यू भएको प्रादेशिक अस्पतालका मेडिकल सुपरिटेन्डेन्ट डा. प्रमोद यादवले जानकारी दिए । उनका अनुसार, काब्याबाट आउने वित्तिकै उनको मृत्यू भएको थियो ।

स्वासप्रश्वासमा समस्या भएपछि उनलाई जनकपुरको काब्या हस्पिटलमा भर्ना गरिएको थियो । भेन्टिलेटरको अभाव भएपछि प्रादेशिक अस्पतालमा भेन्टिलेटरमा ल्याउँदा ल्याउँदै उनको मृत्यू भएको बताइएको छ ।

शनिबार र आईतबार मात्र जनकपुरमा ३ जनाको कोरोनाबाट मृत्यू भएको थियो । आईतबार थप एक जनाको मृत्यू भएको हो । प्रदेश २ को अन्य जिल्लाहरुमध्ये धनुषा जिल्ला अहिले रेडजोनमा देखिएको छ ।