जनकपुर प्रादेशिक अस्पतालमा आजदेखि कोरोना सँक्रमितको खाना स्थगित : सिँघानीया

न्यूज ब्यूरो, जनकपुरधाम । प्रदेश २ को अस्थायी राजधानी जनकपुरधामस्थितको प्रादेशिक अस्पतालमा खुवाइने गरेको खाना मारवाडी युवा मँचले आजैदेखि स्थगित गरिने भएको छ ।

सोमबार (आज) को खाना तयार भएको जनाउँदै मारवाडी युवा मँचका महासचिव राहुल सिँघानीयाले आज बिहानको खानापछि खाना खुवाउने कार्यक्रम स्थगित गरिने जानकारी दिए ।

प्रादेशिक अस्पताल जनकपुरमा प्रदेश सरकारले कोरोना सँक्रमित विरामीहरुको खानाको लागि बजेट दिएपनि अस्पतालले दाता वा सहयोगी सँस्था जनकपुरको मारवाडी युवा मँचबाट खानाको सहयोग मागेपछि चौतर्फी आलोचना भएको थियो ।

आलोचनापछि मारवाडी युवा मँचका महासचिव सिँघानीयाले प्रदेश सरकारले खानाको लागि बजेट दिएकै अवस्थामा आफूहरु सोही खाना गरिब वस्ती, मागेर खाने, सडक पेटीमा बस्नेहरुलाई दैनिक रुपमा वितरण गर्ने जनाएका छन् ।

अस्पतालमा खानाको लागि मात्र १५ लाख रुपैयाँ बजेट रहेको अवस्थामा आजैदेखि सो कार्यक्रम स्थगित गरी सो कार्यक्रमको स्वरुप परिवर्तन गरी समाजसेवाको कार्य जारी राख्ने जानकारी सिँघानीयाले दिए ।

अस्पतालमा कोरोना सँक्रमितको खानाको लागि बजेट हुँदाहुँदै पनि मारवाडी युवा मँचबाट खाना सहयोगको लागि निवेदन गरेपछि समाजिक सँजालमा चौतर्फी आलोचना भएको हो ।

दाता सँस्थाहरुबाट खाना खुवाउन लगाएर सोही रकम खानाको नाममा कुम्ल्याउने दाउमा अस्पतालका सरोकारबाला रहेको टिप्पणी पनि गरिएको छ । यद्यपी, लेखिएको निवेदनको ढाँचा मात्र नमिलेको तथा मारवाडी युवा मँचले आफूखुसी खाना खुवाउने आग्रह गरेको पनि दाबी गरिएको छ ।

गोप्य स्रोतका अनुसार, मारवाडी युवा मँचलाई खाना खुवाइदिनको लागि अस्पताल प्रशासनले पत्र लेखेर पहिले नै आग्रह गरेको थियो भने आलोचनापछि मारवाडी युवा मँचबाट बैशाख २४ गतेको खाना खुवाउने इच्छा पत्र लेखाएको बुझिएको छ ।

आजको विहानको खाना खुवाएर मारवाडी युवा मँचले अस्पतालको खानालाई स्थगित गरी गरिब, निमुखा, मगन्ते, असहायलाई निरन्तर खाना खुवाउने जानकारी मँचका महसचिव राहुल सिँघानीयाले दिएका छन् ।

उनले भने–“अस्पतालमा खानाको शिर्षकमा बजेट रकम रहेकोले त्यहाँ खाना खुवाउनुको कुनै अर्थ पनि रहेन, परेको बेला जतिसुकै बेला पनि हामी अस्पतालमा सहयोग गर्न तत्पर छौँ, तर अहिले त्यहाँको कार्यक्रमलाई स्थगित गरी अन्य ठाउँमा खाना खुवाउने छौं । मदतको लागि जानकारी आए जतिसुकै बेला हामी तयार छौं ।