कोरोनामा ड्युटिमा खटेका सुरक्षाकर्मीलाई चाउचाउ, सेनिटाईजर र मास्क वितरण

न्यूज ब्यूरो, जनकपुरधाम । जनकपुरधाममा निषेधाज्ञामा खटेका सुरक्षाकर्मीहरुलाई युवाहरुको एक समूहले खाद्यान्न र सुरक्षा समाग्री वितरण गरेका छन् ।

जनकपुरधाममा ड्युटीमा खटेका १ सय ५० जना नेपाल प्रहरी तथा सशस्त्र प्रहरीलाई मास्क, सेनिटाईजर सहित चाउचाउ र पानी वितरण गरेका छन् । जनकपुरधामको विभिन्न स्थानमा घुमेर समाग्री वितरण गरेको हो ।

महामारी नियन्त्रण व्यवस्थापन समितिले सुरक्षाकर्मीहरुलाई खाजा स्वरुप चाउचाउ, पानी, बिस्कुट सहित सुरक्षा समाग्री समेत वितरण गरेको हो ।

समितिका सलामत राईन, कैयुम राईन, मनिसा, बसंत, आरपी, विकास, दीपक, अशोक र आनंद लगायतका युवायुवतिहरुको समूहले सो समाग्री वितरण गरेको हो ।

महामारी नियन्त्रण व्यवस्थापन समितिबाट खटेका उनीहरुले यसअघि जनकपुरको बेँगाशिवपुरका स्थानीयलाई सुरक्षा समाग्री वितरण गरेको थियो । युवा अभियन्ता कैयुम राईन र सलामत राईनको विशेष सक्रियतामा सो समाग्रीहरु वितरण गरिएको जनाइएको छ ।