आसेपासेलाई भ्याक्सीन लगाएको समाचार निराधार र पूर्वाग्रह : राज्यमन्त्री शर्मा

न्यूज ब्यूरो, जलेश्वर । प्रदेश नम्बर २ का समाजिक विकास राज्यमन्त्री अभिराम शर्माले पत्रपत्रिकामा आएको भ्याक्सीन सम्बन्धी समाचारलाई नीराधार र पूर्वाग्रहको सँज्ञा दिएका छन् ।

महोत्तरीमा संक्रमितहरूले गुणस्तरीय क्वारेन्टाईन, आइसोलेशन र उपचार समेत पाउन नसकेका बेला जलेश्वर नगरपालिका– ७ निवासी प्रदेश २ सरकारमा सामाजिक विकास राज्यमन्त्री रहेका अभिराम शर्माका आसेपासेहरूले कोभिड–१९ विरुद्धको खोप लगाएको समाचारहरु विभिन्न सँचारमाध्यममा आएपछि राज्यमन्त्री शर्माले समाचारलाई पूवाग्रही बताएका छन् ।

न्यूज ब्यूरोसँग कुराकानी गर्दै मन्त्री शर्माले अन्य ठाउँको भ्रास निकाल्न कुनै पत्रकारले पूर्वाग्रह रुपमा समाचार सम्प्रेषण गरेको दाबी गरे । उनले भ्याक्सीन लगाएको ठाउँको तस्विर वा भिडियो नलिएर गत बर्षकै अन्य अन्य ठाउँको फोटो भिडियो राखेर बदनाम गर्न खोजेको आरोप लगाए ।

उनले मन्त्रालयले नै अनिवार्य भ्याक्सीन लगाउनको लागि परिपत्र गरेपछि आफू भ्याक्सीन लगाएको बताउँदै उनको क्वाटरमा काम गर्नेहरुलाई समेत भ्याक्सीन लगाएको बताए ।

उनले भने, –“हाम्रो खाना बनाउनेलाई भ्याक्सीन चाहिएन ? हामीसँग काम गर्नेलाई भ्याक्सीन किन नलगाउने ? हामीसँगै सधै हुनेलाई भ्याक्सीन किन नलगाउने जबकी सरकारले नै परिपत्र गरिसकेको छ । त्यसलाई केही पत्रकारले रिसबी साध्नको लागि गतल कोणले बँग्याएको छ ।”

क्वाटर सहित सँगै काम गर्ने कर्मचारी, नीजि सचिवालयका कर्मचारीहरुलाई अनिवार्य भ्याक्सीन लगाएको बताउँदै यसमा गलत के रहेको भनेर चुनौति पनि दिए । उनले समाचार लेख्ने पत्रकारलाई आफू चिनेको र उनी पूर्वाग्रह रुपमा समाचार लेखेको बताए ।

उनले सँगै काम गर्नेलाई कोरोना विरुद्धको खोप लगाउने आवश्यकता अनुसार लगाएको बताउँदै कुनै ठेकेदार वा आसेपासे सम्झेर नलगाएको दाबी गरे । केही सँचारमाध्यमहरुमा आसेपासे, भाई भरदार, ठेकेदारलाई, भान्सेलाई खोप लगाएको समाचार लेखेको थियो ।

उनले भने,–“हामीलाई भान्सा पकाएर दिने भान्सेलाई कोरोना खोपको आवश्यक हामी भन्दा पनि धेरै थियो । एक जनाले यत्रो जनालाई खाना बनाएर खुवाउँछन्, यस्तो अवस्थामा रिस्क लिन सकिन्न, उनलाई खोप लगाइदिए त गलत के गरे ?” उनले समाचार पूर्वाग्रह सहित लेख्ने पत्रकारलाई नै पूवाग्रही बताए ।