धनुषामा मोसा दुर्घटना,  २ जनाको मृत्यु !

न्यूज ब्यूरो ||
जनकपुरधाम, १९ फागुन । धनुषामा मोटरसाईकल दुर्घटनामा परी दुई जनाको ज्यान गएको छ ।

आज दिउँसो करिब १ः४० बजे जनकपुर ढल्केवर सडकखण्ड अन्तर्गत लक्ष्मीनियाँ गाउँपालिका वडा नं. ७ भगवतिपुर स्थित दुर्घटना हुँदा दुई जनाको ज्यान गएको धनुषा प्रहरीले जनाएको छ ।

उक्त सडकखण्डमा ज ९ प ४४८९ नम्बरको मोटरसाईकल तथा विपरित दिशाबाट जनकपुर तर्फ आउँदै गरेको अस्थाई ना ४९ प ५५१५ (बर्दिवास) नम्बर को मोटरसाईकल एक आपसमा ठक्कर खादा दुर्घटना भएको हो ।

उक्त दुर्घटनामा जनकपुर उप महानगरपालिका वडा १४ मुजेलिया बस्ने अन्दाजी वर्ष ३० को प्रविण राउतको घटना स्थलमै मृत्यु भएको जिल्ला प्रहरी कार्यालय धनुषाले जनाएको छ ।

यसका साथै उक्त दुर्घटनामा परी ज ९ प ४४८९ नम्बरको मोसा चालक जनकपुर उप महानगरपालिका १९ बस्ने अन्दाजी वर्ष २३ को कृष्ण साह उपचारको लागि अस्पताल ल्याउने क्रममा बाटोमै मृत्यु भएको जनाइएको छ ।

उक्त मोटरसाईकलमा सवार १ जना गम्भिर घाइते भई उपचारको लागि जनकपुर अन्चल अस्पताल पठाएकोमा उपचार हुन नसकि दिउँसो २ः ५० बजे बिराटनगरको लागि रिफर गरिएको प्रहरीले जनाएको छ ।

मृतकको शवलाई जनकपुर अन्चल अस्पतालमा राखिएको जिप्रका धनुषाले जनाएको छ ।

यसका साथै, जिल्लामा आज मात्र मापसे गरि सवारी चलाउने मोटरसार्ईकलमा क्षमता भन्दा बढी चढ्ने हेल्मेट नलगाई चलाउने र बढी गतिमा चलाउने व्यक्तिहरु १५ जना, मोसा संख्या ३९ र टेम्पो १ प्रहरीको नियन्त्रमा राखी थप अनुसन्धान कार्य भई रहेको छ ।