जनकपुर एयरपोर्टको टर्मिनल भवनमा थप १ बर्ष लाग्ने

कुलदीप दास
जनकपुरधाम, १७ फागुन ।
जनकपुर विमानस्थलको नयाँ टर्मिनल भवनको फिनसिङ्ग सक्नमा एक वर्ष लाग्ने भएको छ ।

पाँच वर्षदेखि निर्माणाधिन रहेको विमानस्थलको फलाम स्टकचरको नयाँ भवन ठडिए पनि अन्तिम रुप नदिदा प्रयोगविहिन भएको हो ।

आन्तरिक टर्मिनल अन्तर्गत जनकपुर विमानस्थलमा बनाएको यो भवन नेपालकै नमूना हो ।

भारतको ईलहावाद एयरपोर्ट डिजाइनझै जनकपुर विमानस्थलको नयाँ टर्मिनल भवन बनिरहेको छ ।

अढाई तले यो भवन फलामकै जग्गामा उभिआएको छ।भवन निर्माणका लागि पप्पु कन्सट्रकसनले २१ करोड रुपैयाँमा ठेक्का लिएको थियो।नेपाल नागरिक उडान प्राधिकरणका उप महानिर्देशक देवानन्द उपाध्यायका अनुसार जनकपुर विमानस्थलको नयाँ टर्मिनल भवनको स्टक्चरमै काठमाडौस्थित त्रिभुवन विमानस्थलको आन्तरिक टर्मिनलको चेकिङ काउण्टर भवन बनाइएको छ ।

जनकपुर विमानस्थलको नयाँ टर्मिनल भवन बनाउदा लगाएको ठेक्कामा त्रुटि देखियो।एउटा मात्रै जहाज उडनेगरि भारत सरकारले बनाइदिएको जनकपुर विमानस्थलको पुरानो टर्मिनल भवन सांघुरो र अवयवस्थित छ।दुई नम्बर प्रदेशको राजधानी जनकपुर भएको हुनाले आज भोलि जहाजमा आउने जानेको चाप अलि बढेको छ ।