भोली प्रदेश २ मा सार्वजनिक विदाको घोषणा

न्यूज ब्यूरो, जनकपुरधाम । प्रदेश नम्बर २ को सरकारले भोली बुधबार एक दिने सार्वजनिक विदा दिने निर्णय गरेको हो । एक सूचना प्रकाशित गरी बुधबार विदा दिने भनिएको छ ।

मुख्यमन्त्री तथा मन्त्रिपरिषदको कार्यालय प्रदेश २ द्धारा जारी सूचनामा भोली बुधबार परेको राम नवमीको अवसरमा एक दिने सार्वनिक विदा दिने निर्णय गरिएको जनाइएको छ ।

राम नवमीको अवसरमा प्रदेशवासी तथा देशवासीमा शुभकामना दिँदै कार्यालयले एक दिने प्रदेश नम्बर २ को सबै सरकारी कार्यालय विदा रहने भनेर सार्वजनिक विदाको घोषणा गरेको हो ।

यसअघि जुडशितलको अवसरमा सार्वजनकि विदा कार्यालयको अन्तिम समयमा आएर दिएपछि चौतर्फी आलोचनापछि यसपाली एक दिन अगावै सूचना जारी गरी सार्वजनिक विदा दिएको हो ।

प्रदेश २ का मुख्यमन्त्री मो. लालबाबू राउतद्धारा हस्ताक्षरित सो सूचनामा राम नवमीको अवसरमा प्रदेश सरकार बैशाख ८ गते विदा समेत दिएको जानकारी गराउँदै कोरोनाको महामारीको विषम परिस्थितिमा स्वास्थ्यको मापदण्ड अपनाएर सरकारी निर्देशनहरुको पालना गर्न अपिल समेत गरेको छ ।

यसबर्ष बैशाख १ गते बैशाख २ गते समेत सार्वजनिक विदा दिएको थियो भने भोली बैशाख ८ गते पनि सार्वजनिक विदा दिने निर्णय गरेपछि एक सातामा ३ दिन विदा भएको हो ।