धनुषाको महेन्द्रनगरमा विद्यार्थीमाथि आक्रमण !

न्यूज ब्यूरो, धनुषा । धनुषाको क्षीरेश्वरनाथ नगरपालिका महेन्द्रनगरमा जारी तेस्रो राष्ट्रपति रनिंग शिल्ड प्रतियोगितामा आज सहभागि विद्यार्थीहरुको खेल समापन भएपछि बाहिर निस्कने क्रममा गेटमा एकजना विद्यार्थीमाथि आक्रमण भएको छ ।

आक्रमणमा क्षीरेश्वरनाथ नगरपालिका वडा नं. ९ ईच्छापुरका १६ वर्षीय विद्यार्थी उमेश दास घाइते भएका छन् । घाईते विद्यार्थी दासको महेन्द्रंनगरस्थित हेल्थ केयरमा उपचार भईरहेको सो विद्यालयका एक शिक्षकले बताएका छन् । विद्यार्थी दासको टाउको फुटेको र ४ वटा टाँका लगाइएको स्रोतले बताएको छ ।

क्षीरेश्वरनाथ नगरपालिका महेन्द्रनगरस्थित क्षीरेश्वर उच्च माध्यमिक विद्यालयका खेल मैदानमा भइरहेको तेस्रो राष्ट्रपति रनिंग शिल्ड प्रतियोगितामा ईच्छापुर माविका विद्यार्थीहरु राम्रो खेल प्रर्दशन गर्दै उपाधि जितेको छ ।

उपाधि जितेर मैदान बाहिर निस्कने क्रममा गेटमा विद्यार्थी दास माथि ५÷६ जनाको समूहमा रहेको विद्यार्थीहरुले आक्रमण गरेको विद्यालयले जनाएको छ । स्थानीय क्षीरेश्वर उच्च मावि र शारदा बोर्डिंग स्कुलका ५÷६ जनाको समूहमा रहेको विद्यार्थीहरुले आफ्नो स्कुलका विद्यार्थी जितेको हेर्न नसकेर खेलाडी विद्यार्थी दास माथि आक्रमण गरेको पीडित विद्यार्थीलाई उदृत गर्दै मा. वि. ईच्छापुरका एक शिक्षकले बताएका छन् ।

यता यस घटना विषयमा ईलाका प्रहरी कार्यालय महेन्द्रनगरलाई जानकारी भएपनि सुचना दिन मानेको छैन् । विद्यार्थी माथि आक्रमण भएको घटना आफुलाई जानकारी नभएको भन्दै पन्छिन खोजेका छन् ।

ईलाका प्रहरी कार्यालय महेन्द्रनगरको ईन्सपेक्टरको मोबाइल नं. ९८५४०९००७२ मा फोन गरेर सूचना लिन खोज्दा आफुलाई जानकारी नभएको र बुझैछु भने प्रतिक्रिया दिएको छ ।