साना किसान कृषि सहकारी संस्था दिगम्बरपुरको १८औं वार्षिक साधारणसभा सम्पन्न

न्यूज ब्यूरो, धनुषा । धनुषाको क्षीरेश्वरनाथ नगरपालिका वडा नं. ९ दिगम्बरपुरस्थित साना किसान कृषि सहकारी संस्था लि. को १८औं वार्षिक साधारणसभा शुक्रबार सम्पन्न भएको छ ।

साना किसान कृषि सहकारी संस्था लि. दिगम्वरपुरका अध्यक्ष ईन्द्रकुमार महतोको अध्यक्षता तथा क्षीरेश्वरनाथ नगरपालिकाका नगर प्रमुख योगेन्द्र पजिंयारको प्रमुख आतिथ्यमा साधारणसभा सम्पन्न भएको हो ।

साधारणसभाको अवसरमा संस्थाको वार्षिक आयव्यय र प्रगति विवरण प्रस्तुत गरिएको संस्थाका प्रबन्धक चन्द्र किशोर सिंहले जानकारी दिएका छन् ।

संस्थाले यस आर्थिक वर्ष २०७७ फाल्गुन मसान्तसम्ममा २ करोड २० लाख ८६ हजार २ सय ९२ रुपैयाँ जम्मा आम्दानी गरेको छ भने ४४ लाख ९९ हजार ४ सय ९० रुपैयाँ नाफा आर्जन गरेको छ ।

यस्तै संस्थाको असुली दर ९६ दशमलव ६ प्रतिशत रहेको छ । संस्थाले यस वर्ष १६ करोड ३६ लाख ७६ हजार ऋण लगानी गरेको छ भने १५ करोड ४० लाख १८ हजार असुली गरेको संस्थाको आयव्यय विवरणमा उल्लेख छ ।

१८ औं वार्षिक साधारणसभाको अवसरमा संस्थामा आबद्ध कृषकहरुलाई ३५थान कोदालो वितरण गरिएको छ भने सबै भन्दा बढी शेयर बचत भएका ४ जनालाई पंखा प्रदान गरिएको छ ।

यस्तै १८ जना उत्कृष्ट अंक ल्याउने विद्यार्थीहरुलाई स्टेशनरी सामग्री सहित सम्मान गरिएको छ भने संस्थामा शेरधनीहरुलाई १ हजारका दरले शेयर लाभान्स वितरण गरिएको छ । साधारणसभाके अवसरमा स्थानीय त्रिलोकीनाथ युवा क्लवलाई ३० थान टिर्सट प्रदान गरिएको संस्थाको प्रबन्धक चन्द्रकिशोर प्रसाद सिहंले जनाएको छ ।

सो अवसरमा धनुषाधाम नगरपालिकाकी उपमेयर विद्यादेवी भुजेलको समेत उपस्थिति रहेको थियो । वोर्ड अफ डायरेक्टरका सदस्य रबिन्द्र यादव,सहकारी संघका प्रदेश अध्यक्ष रामकुमार महतो ,इलाका बैंक बर्दिवासका प्रमुख लगायत, साना किसान कर्मचारी संघका जिल्ला अध्यक्ष एवं धनुषा गोबिन्दपुरका प्रबन्धक राजकुमार साह लगायतको उपस्थिति रहेको थियो ।

सो कार्यक्रमको संचालन संस्थाको उपाध्यक्ष लक्ष्मी यादवले संचालन गरिएको थियो ।