हावाहुरी र असिनाले माटो बगाउँदा ट्रक पल्टियो

न्यूज ब्यूरो, सप्तरी । प्रदेश नम्बर २ को सप्तरी जिल्लास्थित विहिबार साँझ आएको हावाहुरी, असिना पानीका कारण एक ट्रक पल्टिएको हो ।

सप्तरीको बोदे बसाईन नगरापालिकाको प्रवेशद्धारा स्थित बनाईको डाईभर्सनमै ट्रक पल्टिएको हो । सो डाईभर्सनमा साँझ आएको हावाहुरीसँगैको असिनापानीले डाईभर्सनको माटो बगाउँदा ना ४ ख २२१२ नम्बरको ट्रकको टायर भाँसिएपछि ट्रक पल्टिएको हो ।

सो घटनामा कुनै मानवीय क्षति नभएपनि नयाँ माटोका कारण ट्रकको टायर (पाँग्रा) गहिरोसम्म भाँसिएपछि ट्रक पल्टिएको हो । ट्रकमा लोड गरिएको मालसमानको क्षति भएको जनाइएको छ ।

महिनौ देखि बाटो अबरुध पार्दै प्रवेशद्धार निर्माण र निर्माण व्यावसायीको ढिलासुस्ती र लापरवाहीले दुर्घटना बढदै गएको स्थानीयहरुको आरोप छ ।