जनकपुरको आकाश एकास्सी तुँवालेले ढाक्यो

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरको आकाशमा एक्कासी तुँवालो Tuwalo ले छोप्दा जनजीवन प्रभावित भएको छ ।

जनकपुरमा आईतबार तापक्रम ३३ डिग्री सेल्सीयस हुँदा तुँवालोको कारण एक्यूआई भने ८२ देखाएको छ । वातावरणको लागि मोडरेट दर अर्थात प्रदुषीत भएको भनेर देखाएको छ ।

जनकपुरमो आकाश आईतबार एकाएक आकाश ढाकिएपछि आम जनजीवन प्रभावित समेत भएको छ भने चिन्ता समेत प्रकट गरिएको देखिएको छ ।

प्रदूषणमा डढेलोको धुवाँ मिसिँदा जनकपुरको आकाश पनि तुँवालोले ढाकेको छ । दक्षिण एसियामै उच्चचापीय प्रणाली मजबुत बनेर वायुमण्डल स्थिर बनिदिँदा वातावरण सुक्खा बनेको कारण तुँवालोले ढाकिएको हुन सक्ने बुझिएको छ ।

यसअघि देशको राजधानी काठमान्डौंमा समेत बाक्लो तुँवालोले ढाकेपछि उच्च वायुप्रदुषण भएको थियो । वायु प्रदुषणकै कारण तुँवालो लागेको हो ।

वनको डढेलो सहित भारतको प्रदुषण Pollution समेत यतातर्फ आएको विज्ञहरुको कथन छ । जथाभावी रुख कटानी, वन जँगल फडानीको पनि प्रभावले तुँवालो लागेको हो ।