चन्दनगर होली महोत्सव सम्पन्न, पश्चिमी संस्कृतिको प्रभावले मौलिकता हराउँदै

न्यूज ब्यूरो, सर्लाही । आधुनिकतासंगै लोपन्मुख अवस्थामा पुगेको तराई मधेसको धरोहरको रुपमा रहेको मौलिक होलिलाई पुर्नस्थापना गर्नका लागि सर्लाहीको बबरगन्जमा चन्द्रनगर मौलिक होली महोत्सव सम्पन्न भएको छ ।

तराई मधेसमा लोप हुदै गईरहेको परम्परागत मौलिक होलिको संरक्षण सम्बद्र्वन गर्ने उदेश्यले सर्लाहीको बबरगन्जमा प्रदेश २ प्रमुख राजेश झाको प्रमुख आतिथ्यता र सुवंश महतोको अध्यक्षतामा चन्द्रनगर मौलिक होलि महोत्सव सम्पन्न भएको छ ।

नेपालको तराई मधेस लगायत दक्षिण एसियाकै मिलनको पर्वको रुपमा रहेको होलि पर्व गाउँघरमा बढ्दो पश्चिमी आधुनिकताको प्रभाव, पाश्चात्य ढंगका रितिरिवाज, संस्कृतीले नेपाली मौलिक संस्कृती होली पर्वको परम्परागत महत्व, रौनकता र मौलिकता नै हराउदै गएको भोर नेपालको संस्थापक अध्यक्ष राजकुमार महतोले दुखेसो पोखे ।

होली पर्वमा बाहिरी संस्कृतिको प्रभावले होलिको मौलिकता हराउदै जानुको साथै समाजमा होलि मनाउने क्रममा तडक भडक गर्दा समाजमा विकृति, विसंगति र असमाजिक गतिविधि बढदै गएको छ , अर्कोतर्फ अर्काको देखासिकी र खर्चिलो बन्दै गएको छ ।

तराई–मधेसमा प्रचलित फागु पूर्णिमा अर्थात् होलीमा गाइने मौलिक गीत ’जोगिरा सररर’ पछिल्लो समय लोप हुँदै गएको छ । यो मौलिक गीत तराईका शहर र गाउँ देहातमा होलीका बेला गाइने प्रचलित गीत हो । तर, आधुनिक संस्कृतिको प्रभाव बढेसँगै यो मौलिक गीत हराउँदै गएको छ, फागु आउन १५ दिनअघिदेख तराई–मधेशमा गुञ्जिने फागु विशेष गीत अहिले सुनिन छाडेका छन् । यससँगै होलीको रौनक पनि खस्कँदो छ ।

हाम्रो सांस्कृति र संस्कारलाई संरक्षण गरी पुर्खाहरुले श्रीपञ्चमीदेखि नै अबेर रातिसम्म मृदङ्ग, हारमोनियम र डम्फूका तालमा तराईका बस्ती÷बस्तीमा गाइने जोगिरा गित, घरघरमा पुगि खेलिने होलिलाई नयाँ पुस्ताले हेर्न पाओस भने उदेश्यले चन्द्रनगर होलिको आयोजना गरिएको महतोले बताए ।

चन्द्रनगर मौलिक होलि महोत्सवमा सम्बोधन गर्दै हिन्दुहरुको महान पर्व होली पर्वलाई खुशीयाली र पारस्परिक मित्रता पारस्परिक मित्रता बढाउने, सामाजिक एकताको भावना बढाउने पर्वको रुपमा मनाउने गरेको प्रदेश प्रमुख राजेश झाले बताए ।

सालभरी मनमा भएको दुःख तकलिफ, कुण्ठा, परेशानि, रिषराग र शत्रुता सबैलाई बिर्सेर एक आर्कालाई रंग अबिर लगाएर मन मिलन गरिने होलि पर्व एकताको प्रतिककोे रुपमा रहेको प्रमुख अतिथि प्रदेश २ प्रमुख राजेश झाले बताए ।

आधुनिकता र पश्चिमी संस्कृतिको प्रभाव, होली पर्वमा कृत्रिमता, आडम्बरीपन को कारण मित्रताको ठाउँमा झै झगडाको कारण बनेको छ भने सामाजिक एकताको ठाउँमा अहंकारपन देखिन थालेको दलित अधिकारकर्मी पच्चु माफी मुसहरले बताए ।

परम्परागत होलिको पुर्नस्थापनाको लागि सर्लाहीको बबगन्जमा आयोजना गरिएकोे मौलिक होलि महोत्सव पहिला स्थानिय स्रतमा कहिल्यै नभएको स्थानियवासी एक बृद्व राजेन्द्र महतोले बताए ।

होलि महोत्सवको प्रतियोगितामा पालिकाभरीका ७ वटै वडाका १४ वटा होलिया टोलिले सहभागिता जनाएको थियो । सहभागि भएका टोलिमा मौलिक गायन होलि प्रदर्शन गर्ने उत्कृष्ट ३ टोलिलाई प्रदेश २ प्रमुखद्वारा पुरस्कार वितरण गरिएको छ ।

प्रथम स्थान प्राप्त गर्ने चन्द्रनगर वडा नं. २ बबरगंजलाई लाउडस्पीकर, इमलिफायर, माइकसहितको बाजा सेट, दित्तीय स्थान हासिल गर्ने वडा नं. ३ कोरियाही टोल लाई ढोलक र तेश्रो स्थान हासिल गर्ने वडा नं. ७ नाढीमन तथा वडा नं. ५ पोखरीयाका संयुक्त टोलीलाई डम्फ वितरण गरिएको छ, भने तिनवटै विजेता टोलिलाई प्रमाणपत्र र सबै सहभागी टोलिहरुलाई प्रंशसापत्र वितरण गरिएको आयोजकले जनाएको छ ।