सिरहाको सुखीपुर नगरपालिकामा बालबालिकालाई अझै दिएन खाजा

न्यूज ब्यूरो, सिरहा । सिरहा जिल्लाको सुखिपुर नगरपालिका भित्रको समुदायिक विद्यालयहरुमा अझै बालबालिकाहरुलाई खाजा दिएको छैनन् ।

केही दिन अगाडी स्थानीय अगुवाहरुले समुदायिक विद्यालयमा सरकारको तर्फबाट आउने बालबालिकाहरुको खाजाको सन्दर्भमा स्थानीय अधिकारीलाई जानकारी गराएपनि कुनै प्रगति हुन सकेको छैनन् ।

सुखिपुर नगरपालिका भित्र रहेको विद्यालयहरुमा बालबालिकाको लागि आउने खाजा यथाशिघ्र उपलब्ध गराउने प्रतिवद्धता जाहेर गरेपनि स्थानीय सरकारले आज अझै उपलब्ध गराएको छैन ।

सोही सन्दर्भमा पुनः ध्यानाकर्षणको लागि स्थानीय बुद्धिजीवी, नागरिक समाज, अगुवा, अभिभावकहरुले सुखिपुर नगरपालिकाको नगर प्रमुखसमक्ष ज्ञापन पत्र बुझाएको हो ।

नगर प्रमुखलाई आग्रह र सचेत गराउनुका साथै उल्लेखनिय मागहरु यथाशीघ्र पुरा नगरे आउने दिनहरूमा यसबाट हुन जाने कुनै घटनाको जिम्मेवारी स्वयँ नगर प्रमुख हुने चेतावनी समेत दिएको कानुनका विद्यार्थी गुमस्ता कुमार यादवले जानकारी दिए ।