
Sudurpaschim RoyalsWon
120/920 ov

Janakpur Bolts
93/1019.5 ov
Sudurpaschim Royals won by 27 runs

Sudurpaschim RoyalsWon
120/920 ov

Janakpur Bolts
93/1019.5 ov
Sudurpaschim Royals won by 27 runs
तर, जनकपुरको मठ मन्दिरलाई लक्षित गरी एआईबाट भिडियो बनाएर पोष्ट गर्नेहरुमाथि प्रहरी लचकता देखाएको देखिएको छ ।
२०८३ कार्तिक ५ बिहीबार, बेलुकी ५:४६ बजे२ मिनेट पढाइ
न्यूज ब्यूरो, जनकपुरधाम । भारतको कर्नाटकस्थित विधान सौध (विधानसभा भवन) लाई बम विस्फोट गराएर ध्वस्त पारेको जस्तो देखिने कृत्रिम बुद्धिमत्ता (एआई) बाट निर्मित भिडियो सामाजिक सञ्जालमा पोस्ट गरेको आरोपमा एक युवक पक्राउ परेका छन् । तर जनकपुरधाममा जानकी मन्दिरसहित धार्मिक तथा सांस्कृतिक सम्पदालाई लक्षित गरी आपत्तिजनक भिडियो बनाउनेहरूमाथि प्रहरीको कारबाही कति प्रभावकारी छ भन्ने प्रश्न उठेको छ ।
भारतको बेंगलुरु प्रहरीले बिहारको अररिया जिल्लाका २५ वर्षीय हजरत अली शोएबलाई एआईबाट तयार पारिएको नक्कली विस्फोटको भिडियो इन्स्टाग्राममा पोस्ट गरेको आरोपमा पक्राउ गरेको भारतीय सञ्चारमाध्यमले जनाएका छन् ।

उक्त भिडियोमा कर्नाटक सरकारको महत्वपूर्ण प्रशासनिक भवन विधान सौधमा ठूलो विस्फोट भएको जस्तो दृश्य देखाइएको थियो । भिडियोसँगै ‘विधानसभा बमले उडाइदिएँ’ भन्ने अर्थ लाग्ने क्याप्सनसमेत राखिएको थियो ।
भारतीय सञ्चारमाध्यमका अनुसार प्रहरीले सामाजिक सञ्जालको निगरानीका क्रममा उक्त भिडियो फेला पारेपछि घटनाको अनुसन्धान सुरु गरेको थियो । सम्बन्धित खाताको डिजिटल गतिविधि तथा आईपी विवरणलगायतका आधारमा आरोपीको पहिचान गरी पक्राउ गरिएको हो । भिडियो बनाउनुको उद्देश्य र त्यसमा अन्य व्यक्तिको संलग्नता रहे–नरहेको विषयमा प्रहरीले अनुसन्धान गरिरहेको छ ।
जनकपुरमा पनि सामाजिक सञ्जालको दुरुपयोगका घटना
जनकपुरधाममा धार्मिक आस्था, मन्दिरको मर्यादा तथा सामाजिक सद्भावमा असर पार्न सक्ने भिडियो र गतिविधि सार्वजनिक भएका घटना नयाँ होइनन् ।केही दिन अगाडी एक युवकले जानकी मन्दिरलाई बमले उडाएको एआई सृजित भिडियो पोष्ट भएको थियो । यसमा धनुषा प्रहरीले भने चासो लिएको देखिएनन् ।
पछिल्लो समय पनि धनुषा प्रहरीले सामाजिक सञ्जालमा आपत्तिजनक तथा हिंसा भड्काउन सक्ने सामग्री पोस्ट गरेको आरोपमा कारबाही गरेको समाचार सार्वजनिक भएका छन् । असोज २७ गते जनकपुर उपमहानगरपालिका–९ बाट लक्ष्मीनिया गाउँपालिका–१ का २० वर्षीय राजु यादव उर्फ क्रिमिनल पक्राउ परेको धनुषा प्रहरीलाई उद्धृत गर्दै सञ्चारमाध्यमले जनाएका छन् । त्यस्तै, टिकटकमा डर, धम्की र हिंसासँग सम्बन्धित भिडियो पोस्ट गरेको आरोपमा जनकपुर उपमहानगरपालिका–१९ का करिब २१ वर्षीय पशुपति पासवान पनि पक्राउ परेको समाचार प्रकाशित भएको थियो । ्
तर, जनकपुरको मठ मन्दिरलाई लक्षित गरी एआईबाट भिडियो बनाएर पोष्ट गर्नेहरुमाथि प्रहरी लचकता देखाएको देखिएको छ ।
प्रतिक्रिया दिन साइन इन गर्नुहोस्
लेखक
न्यूज ब्यूरो, संवाददाता
AI सारांश र अडियो स्वचालित रूपमा तयार गरिएको — सम्पादकीय निगरानीमा प्रकाशित।
कार्तिक २०८३
बुधबार · द्दितीया
तस्बिर: Toshiro lama / Wikimedia Commons / CC BY-SA 4.0बुधबार · द्दितीया
भाइटीका, किजा पूजा
भाइटीका, दीपावलीको दोस्रो दिनका रूपमा मनाइएको पर्व हो, जसमा दिदीहरूले आफ्ना भाइलाई लामो जीवन र समृद्धिका लागि टीका गर्नुलाई विशेष महत्व दिइन्छ। यो दिन दिदीहरूले भाइलाई मिठाई र माेलाईँ दिने परम्परा अनुसार मनाइन्छ। भाइटीकामा भाइको सुरक्षा र दिदीको माया प्रकट गर्ने एक विशेष अवसरका रूपमा यसलाई मनाइन्छ, जसका कारण यो पर्व भाई-बहिनीको सम्बन्धलाई अझ गाढा बनाउछ।
थप पढ्नुहोस्आउँदै गरेका पर्व
२०८३ कार्तिक २४ मंगलबार
मेषAries
चु, चे, चो, ला, लि, लु, ले, लो, अ
सञ्चित धनमा वृद्धि हुनेछ। बोलिको गलत अर्थ लाग्नाले वादविवाद पर्ने सम्भावना रहेको छ। लगनशीलताले गर्दा लक्ष्यमा पुग्न गाह्रो नहोला। शुभ समाचार पाउँदा परिवारजनहरूसँग रमाइलो समय बित्नेछ। आजको शुभ रंग खैरो हो भने शुभ अंक ६ रहेको छ।
Advertisement
विज्ञापन गर्नुहोस्
५ लाख+ पाठकसम्म पुग्नुहोस्
व्यङ्ग्यात्मक कार्टुन
NB · २०८३ कार्तिक १४ शनिबार
ओ ब्रो !
टिप्पणी
आफ्नो विचार राख्न साइन इन गर्नुहोस्।
लोड हुँदै…