धनुषाः सबैलाको ईनारमा एक युवकको लास फेला, हत्याको आशंका

न्यूज ब्यूरो, जनकपुरधाम । धनुषाको सबैलास्थित एक युवकको लास फेला परेको छ । सबैला नगरपालिका वडा नं. ३ मखनाहास्थित रहेको एक ईनारमा युवकको लास फेला परेको हो ।

मखनाहास्थित आज विहानै स्थानीयले ईनारमा युवकको लास देखेपछि प्रहरीलाई खवर गरेको थियो । जिल्ला प्रहरी कार्यालय धनुषाको मुचुल्का टोली पुगेर लासलाई पोष्टमार्टमको लागि प्रादेशिक अस्पताल जनकपुर पुरयाएको हो ।

जिल्ला प्रहरी कार्यालय धनुषाका अनुसार, मृतकको पहिचान खुलेको छैनन् । यसबारे अनुसन्धान थालिएको तथा पोष्टमार्टमको रिपोर्टपछि थप विवरण आउने छ ।