जनकपुरको राजदेवीमा १५ हजारको हाराहारीमा बोकाबली, सँख्यात्मक हिसाबले गत बर्षभन्दा कम

न्यूज ब्युरो, जनकपुरधाम । जनकपुरधामको शक्तिपीठ राजदेवी मन्दिरमा यसपाली गत बर्षभन्दा पनि कम बोकाबली भएको छ ।

आयोजकले दाबी गर्दै आएको १५ हजारको हाराहारीमै बोकाबली भएपनि सँख्यात्मक तथ्याँक अनुसार गत बर्षभन्दा केही कम भएको हो ।

२०८२ मा १४ हजार ९०३ बोकाबली भएकोमा यसपाली भने १४ हजार ८९१ बोकाबली भएको हो । १५ हजारको हाराहारीमा बोकाबली भएको छ । यद्यपी, सँख्यात्मक हिसाबले १२ कम बोकाबली भएको हो ।

यद्यपी, केही बोकाबली बिना रसिदको आधारमा समेत भएकोले १५ हजारभन्दा अधिक बोकाबली भएको दाबी गरिएको छ । जानकारी अनुसार, १५ हजार ५६ वटा बोकाबली भएको हो ।

राजदेवी मन्दिरमा बोकाबलीको तथ्यांक

नोट: उपलब्ध तथ्यांकमा २०७९ सालको विवरण समावेश छैन।

राजदेवीमा मनोकामना पूर्ण हुने श्रद्धालुहरुले भाकल स्वरुप बोका चढाउने गरेका छन् । आयोजक महावीर युवा कमिटिले यसको व्यवस्थापन गर्दै आएको छ ।

राजदेवीमा बोकाबली आईतबार बेलुकी ८ः३१ बजेदेखि सुरु भई सोमबार बिहान ३ः५३ बजेसम्म चलेको थियो ।