परिक्रमाको धार्मिक सुगन्ध सहित शर्टमुवी 'परिक्रमा' को ट्रेलर रिलिज

न्यूज ब्यूरो, जनकपुरधाम । ऐतिहासिक एवम् पौराणिककालदेखि चलिआएको मिथिला माध्यमिकी 'परिक्रमा' सम्बन्धी शर्टमुवीको ट्रेलर सार्वजनिक गरिएको छ ।

सँचारकर्मी विकाश साहले विहिबार पत्रकार सम्मेलन गरी परिक्रमाको पहिलो लुक्स सार्वजनिक गरेको हो । गत वर्ष नै छायाँकन सकिएको परिक्रमा शर्टमुवी यसपाली रिलिज गरिने भएको छ ।

लक्ष्य फिल्मसको ब्यानरमुनि निर्माण गरिएको परिक्रमाको ट्रेलरलाई दर्शकले रुचाएको देखिएको छ । बिहिबार लक्ष्य फिल्मको यूटुबमा सार्वजनिक गरिएको ३ मिनेट बढीको ट्रेलरमा परिक्रमाको विशुद्ध सुगन्ध महसुस गर्न सकिन्छ ।

धार्मिक आस्था र विश्वासमा बर्षौदेखि निरन्तर चलिआएको मिथिला माध्यमिकी परिक्रमाको बारेमा सो वृतचित्रमा वर्ण गरिएको पत्रकार सम्मेलनमा निर्माता विकास साहले जानकारी दिए ।

धार्मिक क्षेत्रहरुलाई समेटेर विभिन्न समयमा निर्माण गरेको वृतचित्र र शर्टमुवीसँग यसपाली परिक्रमा उपर शर्टमुवी निर्माण गरेका हुन् । सँचारकर्मी साहले १५ दिने परिक्रमाको क्रममा सुरुदेखि नै १५ दिनसम्म छायाँकन गरेका थिए ।