जनकपुरः डिपोका हाकिम मनोज साहले बोर्डरमै रोकाए ४ टयाँकर, अध्यक्ष यादव पक्राउ

न्यूज ब्यूरो, जनकपुरधाम । नेपाल आयल निगमको धनुषाको महेन्द्रनगर डिपोका हाकिम मनोज साहले डिजल बोक्ने ४ वटा टयाँकरलाई जबरदस्ती रोकाएपछि टयाँकर चालकहरु आन्दोलित भएका छन् ।

महेन्द्रनगर डिपो प्रमुख साहले टयाँकर चालकहरुलाई तेल चोरी गरी भारत पठाएको आरोप लगाउँदै टयाँकर नेपाल भारतको बोर्डरमै रोकाएपछि चालकहरु आन्दोलित भएका छन् ।

मँगलबार महेन्द्रनगर डिपोमा गएका टयाँकर चालक सहित टयाँकर चालकहरुको अध्यक्ष जोगी यादवलाई समेत पक्राउ गरिएपछि चालकहरु झन आक्रोसित बनेका छन् ।

डिपो प्रमुख मनोज साहले मनमर्जी टयाँकर रोकाएर बोर्डरमै थन्काएको आरोप टयाँकर चालकहरुको रहेको छ । “हाकिम साहबले टयाँकर जानलाई केही ढिलो भएपछि भन्सारमा फोन गरी टयाँकर रोकाइदिएको छ । विगत ४ दिनदेखि टयाँकर त्यही छ ।”– चालक सुशिल सिँहले बताए ।

गत शुक्रबार हाकिम साहले दिउँसो करिब ३ बजेमात्र डेलेभरि कागज दिएपछि यहाँबाट जानमा ढिलाई भएपछि नगएको बताउँदै सिँहले आईतबार भारतमा विदा हुने गरेकोले शनिबार नगएपछि हाकिमले टयाँकर नै रोकाइदिएको आरोप लगाए ।

बोर्डरमा डाक्टरले ३ बजेपछि पिसिआर रिपोर्ट समेत नदिने गरेको जनाउँदै चालक सिँहले समय अभाव भएपछि आईतबार टयाँकर लग्न खोजेपछि बोर्डरमा पुग्ने बित्तिकै पक्राउ गरी थन्काइएको बताए ।

प्रमुख साहले टयाँकर चालकहरुलाई डिजेल चोरी गरी भारत निर्यात गरेको आरोप लगाउँदै टयाँकर रोकाएको बताइएको छ । चालकहरुले टयाँकर चेकिँग गरी टयाँकर छुटाउन आग्रह गरेपछि अध्यक्ष जोगी यादवलाई पक्राउ गर्न लगाएको भन्दै आक्रोसीत बनेका छन् ।

टयाँकरलाई भन्सार पास गर्नकै लागि ४ दिनसम्म लाग्ने गरेको बताउँदै उनले न त टयाँकर आउन दिएको छ न त टयाँकर चेकिँग नै गर्न गएको छ । “टयाँकरमा चोरीको तेल भएको भए कानुन बमोजिम जो सजाय दिन्छ, हामी भोग्छौ, तर साबित नभए हाकिमले हामीहरुको हर्जानाको भत्ता दिनुपर्छ ।”– उनले भने ।

यस सन्दर्भमा हामीले डिपो प्रमुख मनोज साहसँग 9854025128 नम्बरमा फोन सम्पर्क गर्दा फोन स्वीच अफ थियो ।