प्रधानमन्त्रीको बहिरगमनले मात्र देश निकास पाउँछ : उपेन्द्र यादव

न्यूज ब्यूरो, जनकपुरधाम । जनता समाजवादी पार्टी (जसपा) का अध्यक्ष उपेन्द्र यादवले प्रधानमन्त्री ओलीको बहिरगमनपछि मात्र देश निकास पाउने बताएका छन् ।

प्रधानमन्त्रीले सँविधानलाई पैतालामुनि कुल्चेर गरेको राजनीतिक “कु” को प्रयास देशको लागि जटिलता उत्पन्न गरेको भन्दै उनले अब प्रधानमन्त्री ओलीको बर्हिगमनले मात्र देश निकास पाउने धारणा राखे ।

न्यूज ब्यूरोसँगको संक्षिप्त कुराकानीमा अध्यक्ष यादवले प्रधानमन्त्री ओलीको बहिरगमनको लागि अन्य दलहरुको मोर्चाबन्दी आवश्यक रहेको बताए ।

प्रधानमन्त्री विरुद्ध अविश्वास राखेर उनलाई बर्हिगमन गरे देशले निकाश पाउने बताए । सँविधानलाई मिचेर गरेको निर्णयले भएको राजनीतिक उथलपुथलले देशलाई अझै पछि धकेलिएको बताउँदै उनले अबको निकास ओलीको बर्हिगमनबाट मात्र हुने थपे ।