भोजपुरी स्टार अक्षरा सिँह र चिन्टु सहित दर्जनौ कलाकारले शिवरात्रीमा झुमाउने

न्यूज ब्यूरो, जनकपुरधाम । आउँदो शिवरात्रीमा आयोजना गरिएको एक मनोरञ्जनात्मक कार्यक्रममा भोजपुरी सिने जगतका कलाकारहरु आउने भएको छ ।

प्रदेश नम्बर २ को रौतहट जिल्लाको मौलापुरमा महाशिवरात्रीको अवसरमा फागुन २७ गते आयोजना हुने महाशिवरात्री विशेष मेलामा भोजपुरी सिने जगतका चर्चित कलाकाहरु दर्शकलाई झुमाउन आउने भएको छ ।

मौलापुर नगरपालिका र एसराज प्रोडक्सनको आयोजना तथा नेपाल टेलिकम (एनटिसी) को मुख्य आयोजक रहेको सो शिवरात्री मेलामा भोजपुरी सिनेमा चर्चित कलाकार प्रदीप पाण्डे (चिन्टु), भोजपुरी सुपर स्टार नायिक सुपरस्टार अक्षरा सिँह, फिल्म निर्देशक राज कुमार पाण्डे लगायतका कलाकारहरु आउने भएको छ ।

यस्तै, चर्चित गायिका सेलिना कुँवर, सँगीतकार सँतोषराज सहनी लगायत मैथिली भोजपुरी क्षेत्रका कलाकार विजय यादव निर्बिज, पूजा पासवान, सुनिल पण्डित, सरिता साह, प्रिति पासवानहरुको पनि सहभागीता रहनेछ ।

यसका साथै, चर्चित कलाकार रचना शिवाकोटी, अर्जुन बिसी सहित अनाउन्सर बाबा सिकन्दर र राजेश्वर पाण्डेले मौलापुरको माहौल तताउने भएको छ ।