जनकपुरः नालामा एक व्यक्तिको लास

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरदेखि केही दुरीमै रहेको कुम्रौडाको नालामा एक पुरुषको लास फेला परेको छ ।

धनुषाको लक्ष्मीनियाँ गाउँपालिका वडा नम्बर ७ कुम्हरौडामा अन्दाजी बर्ष ४० को एक पुरुषको लास नालामा भेटाएको जिल्ला प्रहरी कार्यालय धनुषाले जनाएको छ ।

लास स्थानीय ४० वर्षीय ललन महरा रहेको प्रहरीले जनाएको छ । आईतबार जनकपुर–ढल्केबर सडकखण्ड अन्तर्गत कुम्हरौडा नजिक सडक छेउको नालामा उनी मृत फेला परेका हुन् ।

स्थानीयका अनुसार शनिबार साँझ अत्यधिक मदिरा सेवन गरेका थिए । बिहान उनको शव नालामा देखेपछि स्थानीयले प्रहरीलाई खबर गरेका थिए ।

मृतक रामको शव मुचुल्का गरि पोस्टमार्टमका लागि प्रादेशिक अस्पताल जनकपुरमा राखिएको जिल्ला प्रहरी कार्यालय धनुषाले जनाएको छ ।

उनको मृत्यू मदिरा सेवन वा अन्य कारणले भएको हुन सक्ने बताउँदै उनको पोष्टमार्टमपछि यथार्थ आउने प्रहरीले जनाएको छ ।