शर्टको कालर समातेर पैसा असुल्दै प्रहरी असई सिँह

न्यूज ब्यूरो, जनकपुरधाम । धनुषाको एक प्रहरी चौकीका ईन्चार्जले आम नागरिकबाट अवैद्य असुलीको दृष्टिकोणले सुरक्षा जाँच भन्दै अवैद्य रकम उठाउने गरेको खुलेको छ ।

धनुषाको धनुषाधाम नगरपालिका वडा नम्बर ५ नौसयबिघा स्थित रहेको प्रहरी चौकी उमाप्रेमपुरका ईन्चार्ज एवम् असई अनिल सिँहले नागरिकलाई अनाहकमा दुःख दिने गरेको गुनासो नागरिक स्तरबाट गरिएको छ ।

अवैद्य रुपमा असुली गर्ने भन्दै एकाविहानैदेखि असई अनिल सिँहले गाउँमा सुरक्षा जाँच भन्दै कागजपत्र भएको अवस्थामा अवैद्य असुली गर्ने गरेको स्थानीय एक जनाले नाम नखोल्ने शर्तमा बताएका छन् ।

सवारीको कागजपत्र, सवारी चालक अनुमति पत्र, बिलबुक वा हेल्मेट नलगाएको खण्डमा कानुनी कारवाही गरी तोकिएको जरिवाना तिर्नुपर्ने भएपनि ईन्चार्ज सिँहले एउटा नै बिल नकाटेर रकम मात्र लिने गरेको बताइएको छ ।

“शान्ति सुरक्षा नियन्त्रण गनुपर्ने प्रहरी आफैं नै स्थानीयलाई उपद्र गर्छ भने आम नागरिकले सुरक्षाको अनुभुती कसरी गर्ने हो ?” एक पीडितले न्यूज ब्यूरोसँग भने ।

इन्चार्ज अनिल सिंहले विभिन्न समयमा बिनाकारण स्थानीयलाई उपद्रो गरेको आरोप लगाएको छ । नौयसविघाको बीच गाउँमै रहेको सो प्रहरी चौकी चोकमै रहेको छ । एका बिहानै उठेर ईन्चार्ज सिँहले सोही ठाउँमा वा पूल पारी गएर चेकजाँचको नाममा असुली गर्ने गरेको आरोप लगाइएको छ ।

सोही क्रममा कागजपत्र नभएको भन्दै रुपैयाँ मागेको र नदिएपछि जबरदस्ती शर्टको कालर समातेको धनुषाधाम नगरपालिका वडा नम्बर ६ हरिपुर बस्ने उमेश दासले बताए। अरुलाई बिना हेल्मेट भएको प्रहरीले पक्राउ नगर्ने आफ्नै अगाडी गएको मान्छेलाई बोल्दा कालर समातेर जिल्ला पठाइदिने धम्की दिएको उनले बताए ।

सोही क्रममा किसानपुर बस्ने नेकपाका नेता देबनारायाण यादवले ट्राफिकको काम पनि पुलिसले गर्ने भन्ने प्रश्न गर्दा ठूलो स्वरमा बोलेको भनेर धाकधम्की दिएको भनेर थर्काएको आरोप लगाए ।

प्रहरी चौकीसँगै रहेको बजरँज आधारभूत विद्यालयमा जिन्सी समानहरु चोरी भएपछि स्थानीयहरुले शंका जाहेर गरेको थियो । प्रहरी चौकीसँगै रहेको विद्यालयको जिन्सी समानहरु कुन बेला कसरी चोरी भयो भनेर प्रहरीको पनि मिलोमत्तो हुन सक्ने आशंका गरिएको छ ।

सोही क्रममा धनुषाधाम नगरपालिका वडा नम्बर ५ का वडाध्यक्ष ईन्द्र कुमार महतोले स्थानीय सहित सो बाटो भएर जाने सर्वसाधारणलाई समेत धम्काएर भएपनि रकम असुलेको गुनासो आफू कहाँ समेत आएको सुनाए ।

अनिल सिँह ईन्चार्ज रहेको सो प्रहरीचौकीको १० मिटर अगाडीमै अवैद्य मदिरा भठ्ठी र पसल रहेको छ । सो क्षेत्रमा रहेको भठ्ठीबाला तथा मदिरा पसलहरुबाट महिनबारी रकम असुल गर्दै आएको एक स्थानीयले आरोप लगाए ।

यता, ईन्चार्ज सिँहसँग फोन मार्फत प्रतिक्रिया लिन खोज्दा सम्पर्क भने हुन सकेनन् ।