सशस्त्र प्रहरीले कुखुरा पक्राउ गरे

न्यूज ब्यूरो, वीरगँज । सशस्त्र प्रहरी बल बोर्डर आउट पोस्ट भिखमपुरको टोलीले ज्ञयराती पर्साको धोबिनी गाउँपालिकाको वाड नं २ आस्वारीबाट कुखुरा पक्राउ गरेको छ ।

प्रहरीले तिन वटा मोटरसाइकलमा लोड रहेको अबैध कुखरा बरामद गरेको हो । शनिबार (आज) बिहान करिब ७ बजे भारतबाट तीन वटा मोटरसाईकलमा अबैध कुखुरा लोड गरि आसवारी नाका हुदै नेपाल तर्फ ल्याउदै गरेको अवस्थामा पक्राउ गरिएको हो ।

तिन वटा मोटरसाइकल समेत अवैध कुखरा सशस्त्र प्रहरी बल बोर्डर आउट पोस्ट भिखमपुरले बरामद गरेका छन। सशस्त्र प्रहरी निरिक्षक किसमान तामाङको नेतृत्वमा खटिएको टोलीले ३ सय पचास किलो कुखरा बरामद गरेको छ ।

बरामद गरेको कुखुराको अनुमानित मुल्य ४ लाख ७० हजार मुल्य बराबरको रहेको तामाङले जानकारी दिएका छन। पक्राउ परेका कुखरा क्वारेनटाइनका प्रतिनिधि , भद्र भलादमी , सशस्त्र प्रहरी, नेपाल प्रहरी, पत्रकार लगाएतको उपस्थितिमा नष्ट गरिएको हो ।

आफूहरु अवैध कृयाक्लाप रोक्न सधै तत्पर रहेको र आम जनता लगाएत सरोकारवाला संग निरन्तर छलफल गरीरहेको तामाङले जानकारी गराए ।