के हो यो साइबर सेना ?

न्यूज ब्यूरो, जनकपुरधाम । प्रधानमन्त्री केपी शर्मा ओलीले सँसद विघटन गरेपछि देशमा भएको राजनीतिक अस्थिरतापछि साईबर सेनाहरुको चर्चा एकाएक सुन्न थालियो ।

प्रधानमन्त्री केपी शर्मा ओली पक्षधर नेपाल कम्यूनिष्ट पार्टी (नेकपा) का नेता कार्यकर्ताहरको एक समूहले समाजिक सँजालमा राख्ने निगरानी साईबर सेनाको रुपमा चिनिएको छ । नेकपाको ओली पक्ष सहित अहिले अन्य पार्टीका नेता कार्यकर्ताले पनि खासगरि समाजिक सँजालमा निगरानी राखेको छ जसलाई–साईबर सेना भनिएको छ ।

ओली पक्षधर युवा नेता उज्वल झा ओलीको साईबर सेना सम्बन्धी यस प्रकार बताउँछन् :

के हो यो साइबर सेना भनेको ?

अहिले साम्राज्यवादीहरुले मिडिया, सामाजिक सञ्जाल लगायत अनेक माध्यमबाट कम्युनिष्ट आन्दोलनमाथि हमला गरेको हुनाले त्यसलाई जोगाउन, जनतामा गएको भ्रम रोक्न साइबर सेना बनाएको हो ।

सूचना प्रविधि उपयोग गरेर कम्युनिष्ट पार्टीका नेता, कार्यकर्तामाथि लगाइएको आरोप र सिर्जना गरिएको भ्रमको खण्डन गर्दै जनतामा सही विचार लैजाने उद्देश्यले संगठित गरिन लागेको फोर्सलाई मैले साइबर सेनाका रुपमा व्याख्या गरेको हुँ ।

अहिले साम्राज्यवादीहरुले मिडिया, सामाजिक सञ्जाल लगायत अनेक माध्यमबाट कम्युनिष्ट आन्दोलनमाथि हमला गरेको हुनाले त्यसलाई जोगाउन, जनतामा गएको भ्रम रोक्न साइबर सेना मेन काम हो।हुँ ।

साइबर सेनाको टिम नै बन्न थालेको हो ?

यो युवा संघकै विभागका रुपमा रहन्छ । पहिले प्रचार विभाग भनेजस्तो साइबर सेना विभाग बनाएर जाने हो ।

यो कसरी परिचालित हुन्छ ?

यसको परिचालन पार्टीले नेतृत्व गर्छ । युवा संघको अध्यक्ष र पार्टी ले खटाएको इन्चार्जले निर्देशन गर्छ ।

साइबर सेनाले सामाजिक सञ्जाल मात्रै हेर्छ कि सूचनाका अरु क्षेत्र पनि ?

सामाजिक सञ्जाललाई कन्ट्रोल गर्ने, साइबर क्राइमको मुद्दा हाल्ने, राज्यको साइबर ब्यूरोलाई सहयोग गर्ने, कसैको टाउको कसैको घाँटीमा जोड्ने जस्ता कार्य गर्नेलाई कारवाहीको दायरामा ल्याउन सहयोग गर्ने हो ।

त्यसमा कानुन र नियमनको प्रश्न पनि उठ्ला नि ?

साइबर सेना आवाजविहीनहरुको आवाज बन्ने, न्यायमा पहुँच नभएकालाई कानूनी निकायमार्फत् न्याय दिलाउन सहजीकरण गर्ने हो । कानुनलाई नै मद्दत गर्ने हो ।