जनकपुरमा साहको "सफाई र सहयोग" सँगै

न्यूज ब्यूरो ||
जनकपुरधाम, ५ फागुन । असहाय संरक्षण मञ्चका अध्यक्ष एवम् जनकपुरका समाजसेवी बैद्यनाथ प्रसाद साहले स्थानीय युवामा जागरुकता ल्याएको छ ।

शितलहरमा १३ सय बढी घर परिवारलाई न्यानो कम्बल वितरण पश्चात् यो मौसममा साहले जनकपुरको गन्दकी सफाईमा निरन्तर लागेका छन् ।

जानकीचोक देखि मुरलीचोकसम्म अनाश्वक रुपमा लगाइएको पोस्टर पम्पलेटहरु हटाउँदै एक एकल महिलालाई आर्थिक सहयोग समेत गरिएको छ ।

धनुषाको बहुअर्वामा पतिको देहान्तपछि बनेको दयनिय अवस्थाको बारेमा साहले थाहा पाएपछि दशरथ नगर युवा कमिटीको समेत सहयोगमा स्थानीय बमबम यादवको धर्मपत्नीलाई घर बनाउन आर्थिक सहयोग सहित भौतिक सहयोग गरिएको हो ।

घर बनाउनको लागि त्रिपाल, बाँस सहितका समाग्रीहरु समेत सहयोग साहले गरेका छन् ।

साहले जनकपुरका युवाहरुमा समेत सफाईको लागि जागरुक बनाइदै गरेको देखिएको छ ।

अहिले सफाईको लागि साहकै नेतृत्वमा दर्जनौ युवा प्रत्येक दिन सरसफाई जुटेको देखिएको छ ।