जनकपुरमा निरहुआ र आम्रपाली ५ घण्टा होली खेल्ने

न्यूज ब्यूरो ||
जनकपुरधाम, ५ फागुन । आउँदो फागुन १७ गते ईति सम्बत २०१८ मार्च १ तारिखका दिन हुने भनिएको जनकपुर होली हँगामा शतप्रतिशत हुने भएको छ ।

भोजपुरी सिने जगतका सुपर स्टार मानिएका दिनेश लाल यादव निरहुवा, आम्रपालि दुवे, आइटम क्वीन सीमा सिँह सहितका कलाकारले जनकपुरलाई साँस्कृतिकमय बनाउनेछ ।

मैथिली भोजपुरी साँस्कृतिक साँगितक कार्यक्रम नाम दिइएको उक्त कार्यक्रमलाई विशुद्ध साँस्कृति मात्र बनाइने जनाइएको छ ।

जनकपुरको तिरहुतिया गाछीमा स्थान तय गरिएको छ भने समय दिउँसो १ बजेदेखि ७ बजेसम्म मात्र गरिने आयोजक एसराज प्रोडक्सनले जनाएको छ ।

आयोजक समितिले कार्यक्रममा दर्शक प्रवेशको लागि ५०० र १००० को टिकट तय गरिएको छ ।
दर्शकले ५ सय रुपैयाँको टिकट लिएमा रेडकार्पेटमा स्थान पाउनेछन् भने रु. १००० को टिकट खरिद गरेमा कुर्शिको व्यवस्था सहित चिसो पेय पदार्थ र हल्का खाजाको समेत व्यवस्था गरिएको छ ।

साँस्कृतिक कार्यक्रम मात्र ५ घण्टाको लागि तय भएको भन्दै दर्शक भारी सँख्यामा ओर्लने एसराज प्रोडक्सनका म्यानेजर सँतोष राजले जनाए ।

कार्यक्रमको एक दिन पूर्व मात्र २०० रुपैयाँमा टिकट विक्री वितरण गरिने समेत जनाइएको छ ।

शनिबार जनकपुरमा आयोजना गरेको पत्रकार सम्मेलनमा आयोजकले कार्यक्रम हुनुभन्दा एक दिन पूर्व अर्थात फागुन १६ गते मात्र २०० रुपैयाँमा टिकट काटिने छ ।
यता, भाषा र अश्लिलताको सन्दर्भमा कुरा गर्दै आयोजक समितिले जनकपुर बहुभाषिक राजधानी भएकोले भाषाप्रति कुनै प्रकारको पूर्वाग्रह नहुने जनाइएको छ ।

साँस्कृतिक कार्यक्रममा सबै भाषाको गीतसँगित समायोजन गरिनेछ भने कुनै प्रकारको भल्गर वा अश्लिल नृत्य अथवा गीत चलाई पूर्णत साँस्कृतिक र विशुद्ध साँस्कृतिक कार्यक्रम नै गरिने छ ।

कार्यक्रममा एसराज प्रोडक्सनका म्यानेजर एवम् चर्चित गायक सँतोष राज, सेलिना कुँवर, विजय यादव निर्विज सहित स्थानीय कलाकारहरुमा चर्चित रोचक एण्ड घोचक टिभी सिरियलका कलाकारहरुको समेत सहभागिता रहने जनाइएको छ ।