केही बेर सिरहाको गोलबजारको सडकमा तरुण दलको कब्जा

न्यूज ब्यूरो, सिरहा । सँसद विघटनको विरोधमा नेपाल तरुण दल सिरहाले सोमबार केही बेर गोलबजारको सडक कब्जामा लिए ।

नेपाली काँग्रेसको विभिन्न भातृ सँगठन सहितको तरुण दलको अगुवाईमा निकालिएको रयालीले केही बेर गोलबजारको सडक कब्जामा गरिएको थियो । सँसद विघटनको विरोध गर्दै नेपाली काँग्रेस निकट तरुण दलले प्रधानमन्त्री केपी शर्मा ओली सिरहा आएकै बेला तरुण दलले पनि शक्ति प्रदर्शन गरेको थियो ।

नेपाली काँग्रेस निकट किसान सँघका कौशल मण्डलको अध्यक्षता एवम् पूर्वमन्त्री चित्रलेखा यादवको प्रमुख आतिथ्यमा निकालिएको विशाल रयालीको क्रममा सिरहाको गोलबजारको सडक केही बेर जामैजाम रहेको थियो ।

नेपाली काँग्रेसको १३ वटा भातृ सँगठनले निकालेको रयालीमा सहभागी हजारौं जनसँख्याले गोलबजारको सडक कब्जामा गरेको थियो । सो बखत पूर्व पश्चिम राजमार्ग भएर चल्ने सयौं सवारी साधनहरु जहाँको त्यही जकथक परेको थियो ।

गोलबजारको ब्यापार संघबाट निकालिएको बिरोध रैली गोलबजार परिक्रमा गरि ब्यापार संघ अगाडि कोणसभा परिणत भएको थियो ।

कोणसभमा नेपाल तरुण दलका जिल्ला सदस्य एवम् युवा नेता अरबिन्द मण्डलले नेपालको संविधानमा सबैभन्दा पहिला प्रधानमन्त्री बन्नको लागि सँसदीय दलको नेता हुनुपर्ने बताए ।

“प्रधानमन्त्री केपी ओलि साँसद त भयो तर साँसद सपथ ग्रहण नगरि सिधै प्रधानमन्त्री बन्यो । आज भन्दा ३ बर्ष पहिला देखि नै संविधान लाई भताभुँग गर्दै आइरहेको छ ।”

कमनिष्टको आफ्नो मनोमानी गर्दै आइरहेको बताउँदै नेता मण्डलले २००७ साल देखि आजसम्म जे जति परिवर्तन भएको हो त्यो देन नेपाली कांग्रेसको देन रहेको दाबी समेत गरे ।

एक अर्को प्रसँगमा उनले बझाङमा नेपाल तरुण दलका सक्रिय युवा नेतालाई हत्या गरिएको भन्दै हत्यारालाई छिटो भन्दा छिटो पता लगाएर कानुनको दायरामा नल्याए नेपाल तरुण दल पुन आन्दोलनमा जाने चेतावनी समेत दिए ।

सो क्रममा नेपाली काँग्रेसका नेताहरु अमर रेग्मी ,डा. गणेश मण्डल लगायतले आ आफ्नो मनतव्य राखेका थिए ।