जनकपुर आउँदै ओली

न्यूज ब्यूरो, जनकपुरधाम । प्रधानमन्त्री केपी शर्मा ओली जकनपुर आउने भएको छ । पर्सी (सोमबार) धनुषाको ढल्केवर आउने कार्यक्रम तय भएको जनाइएको छ ।

प्रदेश नम्बर २ को अस्थायी राजधानी जनकपुरदेखि केही दुरीमा रहेको धनुषाको ढल्केवरमा नयाँ निर्माणाधीन ४०० केभिए क्षमता विद्युत सव–स्टेशनको उदघाटन गर्न प्रधानमन्त्री धनुषाको ढल्केवर आउन लागेको हो ।

नेपाल विद्युध प्राधिकरणले निर्माण गरेको देशकै सबैभन्दा ठूलो सव–स्टेशनको उदघाटन गर्न प्रधानमन्त्री आउने भएपछि तयारी पनि सोही अनुरुप गरिएको हो । प्राधिकरणका कर्मचारीहरु शुक्रबारदेखि नै तयारी तीव्र रुपमा पारेको हो ।

भारतबाट आयात गरिएको बिजुलीको सव स्टेशन चालु भएपछि विद्युत समस्यामा कटौती हुने जनाइएको छ । देशकै ठुलो सव स्टेशन ढल्केवरबाट चारै तर्फ विजुली पुरयाउने उदेश्य राखिएको छ ।

सोमबार प्रधानमन्त्री ओली आउने भएपछि ढल्केवरको विभिन्न ठाउँमा स्वागतद्धार सहित विभिन्न स्वागत कार्यक्रमको आयोजना गरिएको हो । कर्मचारीहरुका अनुसार, ओली आएपछि हजारौं सर्वसाधारण समेत आउने भन्दै तयारी सोही अनुरुप गरिरहेको बताइएको छ ।