प्रदेश २ः सबै सम्पत्ति लिएर श्रीमति आफ्नो प्रेमीसँग फरार, श्रीमान विदेशमा रुँदै

न्यूज ब्यूरो, जनकपुरधाम । विगत ५ वर्षदेखि विदेशमा रहेर कमाएको सबै सम्पत्ति लिएर एक महिला आफ्नो प्रेमीसँग फरार भएपछि उनको श्रीमान विदेशमा रुदैं बसेका छन् ।

प्रदेश नम्बर २ को सप्तरी जिल्ला बस्ने एक महिलाले आफ्नो प्रेमीसँग फरार भएपछि उनका श्रीमान सहित घरपरिवार विगत ३ दिनदेखि सुत्न सकेका छैनन् । सप्तरीको शम्भुनाथ नगरपालिका वडा नं. १ कनकपट्टि खोक्सर बस्ने एक महिलाले सबै नगद र गरगहना लिएर प्रेमीसँग फरार भएकी हुन् ।

खोक्सर बस्ने बर्ष ३५ का किशुन मरिककी अन्दाजी बर्ष ३४ की श्रीमति (पत्नी) शान्ती मरिक आफ्नो प्रेमीसँग भागेपछि मलेसिया बस्दै आएका किशुन विगत ३ दिनदेखि सुत्न पाएका छैनन् । विगत ५ वर्षदेखि विदेशमा कमाएको सबै धन लिएर शान्ती फरार भएकी हुन् ।

करिब १७ बर्ष अगाडी किशुन र शान्ती वैवाहिक बन्धनमा बाँधिएको थियो । सप्तरीको राजविराज स्थित गढीया भन्ने गाउँमा माइती रहेको शान्ती यसअघि पनि एकपटक आफ्नो प्रेमीको घर पसेकी थिइन् । फोनबाट भएको प्रेममा परी शान्ती आफ्नो प्रेमी दिपक मरिकसँग भागेकी उनका श्रीमान पीडित किशुन मरिकले बताए ।

शान्तीकी श्रीमान किशुन मरिक (हाल मलेसिया) र छोराछोरीसँगको तस्विर

---

२ वर्षजति कत्तारमा बसेर घर फर्केका किशुनले उनकी श्रीमति अरुसँग प्रेम सम्बन्धमा रहेको भनेर थाहा पाउन सकेनन् । उनले भने,–“यही लकडाउनमा शान्ती करिब ५÷६ महिनाअघि पनि दिपकको घरमा भागेकी थिइन् , त्यो बेला मेरा भाइहरुले उनलाई ल्याए । शान्तीले माफीसाफी मागेपछि हामीले सम्झाएर राखेका थियौं ।

शान्तीको नाममा रहेको बैंक खातामा ७ लाख ४० हजार रुपैयाँ सहित उनकै नाममा रहेको ३ कठ्ठा १० धुर जमिनको सबै कागजात पनि लिएर भागेकी किशुनले दुःखेसो पोखे । किशुन र शान्तीको ३ छोराछोरीहरु पनि छन् । सबैलाई छाडेर शान्ती पोइल गएकी हुन् ।

किशुनको २ छोरा र १ छोरी छन् । जेठा १५ बर्षका कान्छा छोरा १३ बर्षका र छोरी १० बर्षकी छिन् । गत आईतबार विहान करिब ८ बजेतर्फ नै ब्यागमा सबै समान हालेर भागेको किशुनका भाई बिशुन मरिकले जानकारी दिए ।

विगत ३ बर्षदेखि मलेसिया बस्दै आएका पीडित किशुनले न्यूज ब्यूरोसँग कुराकानी गर्दै शान्तीले लगाएकी अन्य गरगहना समेत लिएरै भागेकी हुन् । शान्ती प्रेमीसँग भागेपछि उनका ३ छोराछोरी पनि रुदैं बस्न बाध्य भएका छन् । उनीहरु पनि सुत्न पाएका छैनन् ।

उनले मलेसियाबाट आउने तर्खरमा रहेपनि लकडाउनका कारण मलेसियामा फँसेपछि आउन पाएनन् । आउने दिन तय भएका किशुनको आउनु अघि नै उनकी श्रीमति फरार भएपछि उनले खाना पनि रुचाएका छैनन् ।

किशुनका अनुसार, शान्ती मरिक सप्तरीको बोदे बरसाइन स्थित रहेको बैरिया गाउँ बस्ने दिपक मरिकसँग भागेकी हुन् । यसअघि पनि उनीसँगै भागेकी शान्तीले उनीहरुलाई आइन्दा यस्तो नगर्ने विश्वास दिलाएर पुनः विश्वासघात गरी भागेको बताइएको छ ।

शान्तीले ७ लाख ४० हजार रुपैयाँ र जमिनको कागजातहरुसँगै लिएर भागेपछि किशुन अहिले घरको न घाटको भएको छ । अति विश्वास गरेर श्रीमतिको नाममा सम्पतिहरु राखेपछि अहिले पछुतो गरि रोइरहेका छन् ।

उनले आफ्नो श्रीमति शान्ती मरिकको फोटो सार्वजनिक गर्दै कसैले देखेमा खोजिदिन र जानकारी गराइदिन आग्रह सँचारमाध्यमबाट गरेका छन् ।