संविधान विघटनले मुलुक प्रतिगमन तर्फ धकेलियो : पूर्वमन्त्री गिरिराजमणि पोखरेल

न्यूज ब्यूरो, सर्लाही । नेपाल कम्युनिस्ट पार्टी (नेकपा) का स्थाई कमिटी सदस्य तथा पूर्व शिक्षा मन्त्री गिरिराजमणि पोखरेले प्रधानमन्त्री केपी ओलीको जनबिरोधी तथा निरंकुशता विरुद्ध संघर्षको कार्यक्रम बाहेक अर्को विकल्प नभएको बताएका छन् ।

असंवैधानिक संसद विघटन र चक्रघटा गाउँपालिकामा भएको तोडफोड र ज्यादतीको विरुद्धमा विरोध सभालाई सम्बोधन गर्नु हुर्दै नेकपाका स्थाई कमिटी सदस्य पोखरेलले ओलीको निरंकुश कदम जनविरोधी कदम विरुद्ध लडने समय आएको बताए।

एउटा तनाशाहलाई फाल्न बिगतका दिनमा आन्दोलन ग¥यौ र अब अर्को तनाशाहलाई नि फाल्न फेरी आन्दोलन गर्ने अवस्था आएको पोखरेलले बताए ।

“ओलीले चालेको कदम प्रजातान्त्रिक नभई संविधान विपरीत जनभावना बिपरीत भएको छ, बिगतका वर्षहरु २०१७ सालमा संसद विघटन भयो, गिरिजा प्रसाद कोईराला प्रधानमन्त्री भएको बेलामा संसद विघटन भयो, शेरबहादुर देउबा प्रधानमन्त्री भएको बेला संसद विघटन भयो, राजा ज्ञानेन्द्रको समय संसद विघटन भयो यि सबै घटना हेरेर हामिले प्रधानमन्त्रीलाई सजिलै संसद विघटन नगर्ने गरी २०७२ सालमा नेपालको संविधान बनाए तर पनि हुदै नभएको प्रावधान, मापदण्ड विपरीत संविधान मिचेर ओलीले असंवैधानिक संसद विघटन गरेर मुलुकलाई नै प्रतिगामी तर्फ धकेलेको स्थाई कमिटि सदस्य पोख्रेलले भने ।

अहिले संविधानको उपलब्धी खतरामा छ , मधेशी, जनजाती,महिला, दलित,थारु लगायत विभिन्न समुदायले पाएको अधिकार अहिले डेन्जर जोनमा भएको हुदाँ ति सबै अधिकार रक्षाका लागि पनि सबै नेपाली एकजुट हुने अवस्था आएको नेता पोख्रेलले बताए ।

संघिय नेपाल बनाउनमा मधेशी जन्ताको अहम भुमिका रहेको छ, मधेश आन्दोलन नभएको भए नेपालमा संघियता आउदैनथ्यो अहिले ति संघियता पनि खतरामा छ, संविधान, संघियता र अधिकार रक्षाको लागि पनि मधेशी जन्ता देखी लिएर नेपालका सबै नागरीक एक धिका भएर आन्दोलनको आँधी बेरी ल्याएर संविधान रक्षा गर्ने समय आएको नेता पोख्रेलले भने ।

संविधानमा प्रतिनिधि सभाको निर्वाचन गर्न पाँच वर्ष पुरा भएपछि मात्र गर्न लेखिएको तर संविधान मिचेर नै तिन वर्षमै चुनाव गर्नु भनेको ओली सरकारले देशलाई प्रतिगमन तर्फ धेकेलको पोख्रेलको आरोप थियो ।

केपी ओली समुहका नेताहरुले सरकारलाई काम गर्न नदिएका कारण संसद विघटन गर्नुपरेको अभिव्यक्ति दिर्दै हिडेका छन , अच्चम लाग्छ प्रचण्डजीले पाँच वर्ष सम केपी ओलीलाई सरकार चलाउनुस भनेर लिखित सम्झौता गरेको थियो, पार्टी बैठकमा नआउने, सम्झौता विपरीत काम गर्ने र राज्य चलाउन नसकेर संसद विघटन गरेर ओली सरकार जनभावना विपरीत कार्य गरेको पोख्रेलले आरोप लगाए ।

संसद विघटन भएपछि सरकार काम चलाउ बन्छ , काम चलाउ सरकारले महत्वपूर्ण कार्य गर्न पाउँदैन तर पनि ओलीले मन्त्रीपरिषद विस्तार गरेर संविधान विपरीत काम गरेको स्थाई कमिटि सदस्य पाख्रेलले बताए ।

काम चलाउ सरकारले मन्त्रीहरुलाई जिल्ला पठाई पठाई राज्यको रकम दुरुप्योग गरेको छ। मुलुकमा केपी गुट र राप्रपा गुट बाहेक केपी ओलीको कार्य विरुद्ध सबैले बिरोध गरिरहेको पोख्रेलले भने ।

अहिले केपी ओलीको कदम विरुद्ध नेपाली जन्ता एकजुट छन ।अव न्यालयका न्याधिशहरु न्याय मुर्ती छन की छैन यो पनि हेर्न बाँकी नै छ ।हामी कानुनी, राजनैतिक, अधिकारको लडाईमा छौँ, अब यो लडाई लडन लामै संघर्ष गर्नुपर्ने स्थाई कमिटि सदस्य पोख्रेलले बताए ।