जसपाका अध्यक्ष उपेन्द्र यादवको एक विवादित अडियो लिक !

ज ब्यूरो, जनकपुरधाम । जनता समाजवादी पार्टी (जसपा) का अध्यक्ष उपेन्द्र यादवको एक अडियो लिक भएको छ । उनले एक नेतासँग गरेको अडियो लिक भएको हो ।

जनता समाजवादी पार्टी (जसपा) ले भोली शनिबार प्रदेश नं. २ को सिरहामा आयोजना गर्न लागेको विरोध कार्यक्रममा नेताहरुको आसन बरियताको लागि गरिएको एक कुराकानी नै विवादित अडियोको रुपमा लिक भउको छ ।

जसपा अध्यक्ष उपेन्द्र यादवले पूर्व राष्ट्रिय जनता पार्टी (राजपा) पक्षलाई पेल्दै कार्यक्रममा वरियता मिच्न थालेपछि कार्यक्रम विवादित बनेको हो । पार्टी वरियता क्रममा महेन्द्र यादवभन्दा तल रहेका राजकिशोर यादवलाई सिरहाको कार्यक्रममा तल्लो स्थानमा राखिएपछि एक स्थानीय नेतासँग टेलिफोनमै नोकझोंक भएको सुन्न सकिन्छ ।

लिक भएको अडियो सुन्नुहोस

अडियोमा पूर्व राजपाका नेता राजकिशोर यादव पक्षधर राजाराम यादवसँगको रहेको छ । पार्टी वरियतामध्ये सिरहा जिल्लामा राजकिशोर यादव माथि रहेपनि उपेन्द्र यादवले आफ्ना पक्षधर अर्थात पूर्व संघीय समाजवादी फोरम नेपालका पक्षधरहरुलाई राखेपछि विवाद चुलिएको छ ।

सिरहाको कार्यक्रममा पहिलो वरियतामा रेणु यादव, दोस्रोमा प्रकाश अधिकारी र तेस्रोमा विजय यादवलाई राखिएको हो। चौथो नम्बरमा मात्र राजकिशोर यादवलाई राखिएको छ।

यता, सो कुराकानीमा नेता राजाराम यादवले कुरा गर्दा उपेन्द्र यादवले बारम्बार त्यो नाम भने बरियाक्रम नरहेको तथा नाम मात्र रहेको जिकिर गर्दै सुनिएको छ । बरियताक्रमको लािग भएको विवादमा पठाइएको नाम सूचि मात्र रहेको तथा बरियताक्रम नरहेको जिकिर गरेका छन् ।

जबकी राजकिशोर यादव पार्टीको वरियतामा रेणु यादव, अधिकारी र विजय यादवभन्दा माथि छन्। आफ्नो वरियता क्रम मिचेर अपमानित गर्न खोजेको भन्दै राजकिशोर यादव उक्त कार्यक्रमको बहिस्कार गर्ने जनाएका छन्।

राजकिशोर यादवका समर्थकहरुले कार्यक्रमको प्रतिकारसमेत गर्न सक्ने सम्भावना रहेको बुझिएको छ । पार्टीमा वरियताक्रम मिचेर कार्यक्रम आयोजना गर्न लागिएको विषयमा राजकिशोर यादव निकट नेता राजाराम यादवले उपेन्द्र यादवसँग टेलिफोन सम्वाद गरेका थिए।

जसमा उपेन्द्र यादवले राजकिशोर यादवलाई केपी ओलीको कार्यक्रममा सहभागी हुन भनेका छन् भने पार्टी छोडेर भाग्न समेत भनेका छन्।

उपेन्द्र यादवको यस्तो अभिव्यक्ति पछि राजाराम यादवले पनि टेलिफोनमै उपेन्द्र यादवलाई पार्टीबाट कारवाही गर्ने चेतावनी दिएका छन्।

यसअघि अनिल झाको पनि वरियता क्रम पनि मिचेर कार्यक्रम आयोजना गर्ने भनिएको थियो। झाले आपत्ति जनाएपछि उनलाई रौतहटमा आयोजित कार्यक्रमको विशेष अतिथि बनाइएको थियो।

रौतहटमै एक अन्य ठाउँमा बरियताक्रममा तलमाथि गरेपछि एक नेताले खुल्ला मँचमै आसन छाडेर प्रतिकार गर्दै कार्यक्रम पनि बहिष्कार गरेका थिए ।

यता, राजकिशोर यादवको निकट रहेका राजाराम यादव र उपेन्द्र यादवसँगको टेलिफोन सँवादको सन्दर्भमा नेता राजकिशोर यादवसँग सोध्दा आफूलाई कुनै जानकारी नभएको प्रतिक्रिया दिए ।

---

From Help of Hulakinews