नामको लागि बोर्डर बन्द, प्रहरीसँग तस्करहरुको लाईन

न्यूज ब्यूरो, बारा । बाराको सिम्रौनगढ नाकाको अमरपुर , सतुआई , कवलपुर र पठालवाघाट नाका हुदै तस्करी फस्टाएको छ।

नेपाल सरकारले ९कोभिड– १९० को लागि बितेको चैत्र ११ गतेदेखि सिमानाका हालसम्म पनि बन्द नै राखेको छ। तर सिम्रौनगढका ति नाकाहरु नामको लागि बन्द रहेको छ।

सिम्रौनगढ ऐरिया क्षेत्रका मान्छेहरु भारतको घोडासाहन सम्म जाने आउने गरेको पाईन्छ। भारतको घोडासाहनबाट सिम्रौनगढका ति नाकाहरुबाट आलु प्याज , माछा , किराना समान , कस्टमेटिक समान , हार्डवेयरका समान , ईलेक्ट्रोनिक्स समान लगायत बिभिन्न समानहरु सिम्रौनगढ बजारसम्म ल्याई बाराको तथा नेपालको बिभिन्न बजारसम्म पुर्याउने गरिएको तथ्य खुलेको छ।

सिम्रौनगढका नाकाहरुबाट साना ब्यापरीहरुले आलु प्याज , माछा , साईकलको समान ल्याउदा सिमा नाकामा खटिएको ‌सशस्त्र प्रहरी र नेपाल प्रहरीहरुले प्रति ब्यक्ति रु ५० देखि रु ३०० सम्म लिने गरेको माछा ब्यापरी राम बिनय सहनी बताएका छन्।

हिजोसम्म हामीले सिमा नाकामा खटिएको सशस्त्र प्रहरी र नेपाल प्रहरीलाई केहि रकम दिई मजाले काम गर्दै आईरहेको थियौं। आज बिहान देखि नयाँ डिआईजि आएकोले नेपालमा प्रबेश गर्न नदिएको तर बिहान जाने बेलामा सोधेर जाँदा हुन्छ जानु भनेको सशस्त्र प्रहरी हामीलाई अल्पत्र पारेको गुनासो आलु ब्यापारी बच्चा लाल पटेल पोखेका छन्।