जनकपुरः जिल्ला अदालत धनुषाका सर्वेक्षक जयसवाल गम्भिर घाईते अवस्थामा भेटिए

न्यूज ब्यूरो, बारा । प्रदेश २ को बारा कलैया देखि पिलुवा जोड्ने सडकखण्डमा घाईते अवस्थामा एक जना पुरुष फेला परेको छ ।

घाईते अवस्थामा फेला परेका उक्त पुरुषलाई थप उपचारका लागि नारायणी बयोधा अस्पताल बीरगन्ज ल्याइएको छ ।

कलैया पिलुवा सडकखण्डमा फेला परेका उक्त पुरुषलाई पेट्रोलिङ्गको क्रममा रहेको आर्मीको टोलिले उद्धार गरेको हो ।

कलैया अस्पतालमा उपचार सम्भव नभएपछि उनलाई थप उपचारका लािग नारायणी बयोधा अस्पताल ल्याइएको छ ।

उद्धार गर्ने आर्मीको टोलीले उक्त पुरुषलाई कुनै सवारीले ठक्कर दिएर भागेको हुनसक्ने आशंका गरेको छ । घाईते हुनेमा घनुषा जिल्ला अदालत जनकपुरका सर्भेक्षक अवधेश प्रसाद जयसवाल रहेको जनाइएको छ ।

उक्त सडकखण्डमा प्रहरीको न्युन उपस्थितीका कारण दुर्घटनाको संख्या बढ्दै गईरहेको जानकारहरुको भनाई छ ।