जनकपुरमा लाईसेन्सको लागि यी ३ दिन ट्रायल हुने

न्यूज ब्यूरो, जनकपुरधाम । यातायात व्यवस्था विभागको जनकपुर यातायात कार्यालयले कोरोका कारण छुटेका परीक्षार्थीहरुको ट्रायलको मिति तोकेको छ ।

कोरोना महामारीका कारण गत वर्षको चैत्त ११ गतेदेखि नै बन्द भएको ट्रायल वा नयाँ लाईसेन्सको परीक्षाको लागि लिखित परीक्षामा पास भएका परीक्षार्थीहरुको लागि ट्रायलको नयाँ मिति तय गरेको छ ।

यातायात कार्यालय जनकपुरका प्रमुख बीरेन्द्र कुमार साहका अनुसार आउँदो पुस २२, २३ र २४ गते गरी तिन दिन ट्रायल परीक्षा हुने भएको छ ।

तस्विरः यातायात कार्यालय जनकपुरका प्रमुख बीरेन्द्र कुमार साह

---

गत वर्षको चैत्त ११ गते दिन तोकिएर सरकारले देशव्यापी रुपमा लकडाउन गरेपछि ट्रायल दिन छुटाएका सवारी चालक अनुमति पत्र (लाईसेन्स) को लागि नयाँ मिति तोकिएको प्रमुख साहले बताए ।

उनले लिखित परीक्षामा पास गरी ट्रायलको लागि भौचर कटाएर राखिएकोमा उनीहरुको ट्रायल परीक्षा लिने कार्य सुरु गरिने बताए । पुरानो ट्रायलको लागि अनुमानित ३०० जना भन्दा बढी परीक्षार्थी रहेको उनले बताए ।

कोरोनाको महामारी भन्दै सरकारले चैतदेखि बन्द गरेको नयाँ लाईसेन्सको फाराम, ट्रायल सबै बन्द रहेकोमा अब विस्तारै अवस्था सहज बन्दै गएपछि ट्रायलको मिति तोकिएको हो ।