पसललेको आक्रमणबाट ग्राहकको मृत्यू !

न्यूज ब्यूरो, वीरगँज । प्रदेश न. २ को पर्सा जिल्लामा एक पसलले ग्राहकमाथि आक्रमण गर्दा ज्यान गएको छ ।

पर्सा जिल्लाको पटेर्वा सुगौली गाउँपालिका वडा नं. १ बस्ने बर्ष ३० का आनन्द दास थारुले पसलमा खाजा खाएको उधारो पैसा फिर्ता नदिएको झोंकमा ग्राहक २४ बर्षिय उमेश ठाकुरमाथि आक्रमण गरेको थियो ।

पर्साकै सखुवा प्रसौनी गाउँपालिका वडा नं. १ बस्ने ग्राहक उमेश ठाकुरसँग उधारो रकम माग्दा भएको विवादको क्रममा उमेशमाथि आक्रमण गरेपछि गम्भिर घाईते भएका थिए ।

गत मंसिर २४ गते थारुको आक्रमणबाट घाईते भएका ठाकुरलाई उपचारका लागि बीरगन्जस्थित एलएस न्युरो अस्पताल लगिएको थियो । उमेशको उपचारको क्रममै अस्पतालमै ज्यान गएको जिल्ला प्रहरी कार्यालय पर्साले जनाएको छ ।

नास्ता पसल सँचालन गर्दै आएका पसले आनन्दको पसलमा मृतक थारुले केही समय अघि उधारोमा खाजा खाएका थिए । उधारो रकम समयमा चुक्ता नगरेको आक्रोशमा पसल सञ्चालक थारुले उनी उपर आक्रमण गरेपछि गम्भिर घाईते भएर अस्पतालमा उपचाररत थिए ।