आर्थिक सँकटले हार माने महरा परिवार, उपचारका लागि सहयोगको अपील

न्यूज ब्यूरो, सिरहा । सिरहाको मिर्चैया नगरपालिका(७ की शेलो देवी महराको उपचारका लागि आर्थिक सहयोगको अपील गरिएको छ ।

धरानस्थित बिपी कोइराला स्वास्थ्य बिज्ञान प्रतिष्ठानमा उपचाररत रहेकी ३० वर्षीया महराका परिवारले आर्थिक सहयोगका लागि अपील गरेका हुन् ।

खुट्टामा गम्भीर चोट लागेकी शेलोको समयमा उपचार नहुँदा सुन्निएर अहिले खुट्टा आफैं जलेको जस्तो बनेको छ । उनको अहिले धरानस्थित बिपी कोइराला स्वास्थ्य बिज्ञान प्रतिष्ठानमा उपचार भइरहेको छ ।

उपचारका लागि रकम नभएका कारण महरा परिवार चिन्तामा छ । दैनिक ज्यालादारी र दाउरा बेचेर गुजारा गर्ने महरा परिवारलाई उपचारका लागि आर्थिक सहयोगको खाँचो छ ।

आफूले सक्ने सहयोग गरेर आफ्नी पत्नीको जीवन रक्षा गरिदिन शेलोका पति सहदेव महराले अपील गरेका छन् । उनलाई आर्थिक सहयोग गर्न चाहनेले एनआइसी एसिया बैंकमा सहदेव महराको खाता नम्बर २७४५७५१०२०३४८००१ मा रकम पठाउन सकिन्छ ।