चर्चित डान्सर एवम् कोरियोग्राफर 'रेमो डिसुजा' अस्पतालमा भर्ती

न्यूज ब्यूरो, मुम्बई । बलिवुड सहित डान्स कार्यक्रमले चर्चामा आएका चर्चित कोरियोग्राफर रेमो डिसुजालाई हर्ट अटैक (हृदयघात) आएको छ ।

बलिवुड फिल्म जगतको लािग २०२० नै दुःखित तुल्याएको छ भने डिसुजाको हर्ट अटैकले थप पीडा थपिएको छ । बलिवुडका चर्चित डान्सर र कोरियोग्राफर रेमो डिसुजालाई हर्ट अटैक आएको भारतीय सँचारमाध्यमहरुले जनाएको छ ।

हर्ट अटैकपछि डिसुजालाई अहिले भारतको आर्थिक राजधानी मानिने मुम्बई स्थित कोकिलाबेन अपतालमा भर्ती गरिएको हो । यस समाचारलाई भारतको विभिन्न सँचारमाध्यमहरुले पनि पुष्टि गरेको छ ।

आफ्नो ड्रेसिँगलाई लिएर सधैं चर्चामा रहँदै आएका कोरियोग्राफर डिसुजाको हर्ट अटैकपछि बलिवुडमा एकपछि अर्को दुःखद खवर आउन थालेको बताइएको छ ।