प्रदेश २ को दोस्रो बैठक बस्दै, भोली मनोयन दर्ता

न्यूज ब्यूरो ||
जनकपुरधाम, २९ माघ । प्रदेश नं. २ को प्रदेश सभाको दोस्रो सभा आज बस्दै छ ।

दिउँसो १ बजेदेखि प्रदेश सभा कार्यालयमा बस्ने प्रदेश सभाको बैठकबाट सभामुखको लागि कार्यतालिका प्रकाशन गर्ने जनाइएको छ ।

८ जिल्लाको सम्पूर्ण साँसदहरुको उपस्थितिमा कार्यतालिका प्रकाशन गरेपछि सभामुख चुनावको लागि प्रक्रिया अगाडी बढाइने जनाइएको छ ।

धनुषा क्षेत्र नं. २ 'ख' बाट निर्वाचित प्रदेश सभा सदस्य राम अशिष यादवले भने, 'आजको बैठकबाट सभामुख चुनावको लागि कार्यतालिका प्रकाशन, सभामुख चुनावको लागि उम्मेदवारी फारम लिने कार्य हुने छ भने भोली सभामुखको मनोयन दर्ता प्रक्रियामा जानेछन् ।'

मुख्यमन्त्री फोरमबाट दिएपछि सभामुख राजपाबाट लिने सहमति अनुसार राजपाबाट निर्वाचित साँसदहरुले सभामुखको लागि भोली मनोयन दर्ता गराउने छन् ।

राजपाबाट जीतेन्द्र सोनलको नाम चर्चामा छ भने उपसभामुखको लागि फोरमबाट लिने भएपनि नाम भने तय भइनसकेको जनाइएको छ ।