प्रादेशिक अस्पताल जनकपुरको मेसुमा डा. यादव

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुर स्थित रहेको प्रादेशिक अस्पतालको मेडिकल सुपरिटेन्डेन्टमा डा.प्रमोद यादव नियुक्त भएका छन् ।

वरिष्ठ शल्यचिकित्सक (सर्जन) रहेका डा. यादवलाई प्रादेशिक अस्पतालको मेसुको रुपमा कार्यभार दिइएको हो । यसअघि मेसुको कार्यभार सम्हालेका डा. नागेन्द्र यादवलाई विदाई गर्दै डा. प्रमोद यादवलाई स्वागत गरिएको हो ।

सेवानिवृत भई डा. नागेन्द्र प्रसाद यादवको विदाई भएपछि शुक्रवारदेखि डा. प्रमोद यादव औपचारिक रुपमा कार्यभार सम्हालेका हुन् ।

जनता समाजवादी पार्टीका अध्यक्ष उपेन्द्र यादव निकट मानिने उनी यसअघि राष्ट्रिय ट्रमा सेन्टरको निर्देशक नियुक्त भएका थिए ।

तत्कालीन स्वासथ्यमन्त्री यादवले उनलाई निर्देशक नियुक्त गरेका थिए ।