स्थानीयतहमा करामत

जनकपुरः भागभण्डा नमिलेपछि गाउँपालिकाको बैठकमै कुर्शी तोडफोड !

असन्तुष्ट सदस्यबीच नीति तथा कार्यक्रम ल्याएपनि बजेट अझै ल्याउन सकेन

२०७७ मङ्सिर १८ बिहीबार
बिहान ०९:१९ बजे
न्यूज ब्यूरो, डेस्क
Photo : Shrikant Jha / TodayExpress

 

न्यूज ब्यूरो, जनकपुरधाम । प्रदेश नम्बर २ को धनुषा जिल्लामा एक पालिकाको बैठकमै कुर्शी तोडफोड भएको छ । 

 

धनुषाको धनौजी गाउँपालिकाका मँगलबार बसेको कार्यपालिकाको बैठकमा विवाद हुँदा कुर्शी तोडफोड गरिएको हो । कार्यपालिका बैठक अह्वान भएपनि भागवण्डामा कुरा नमिलेपछि विवाद भएको नगरकी उप–प्रमुख रामवती मण्डलले बताइन् ।

 

गत वर्षको हरहिसाब पारदर्शी नगरको  भन्दै कार्यपालिका सदस्य सुरेश पण्डितले कुर्सी नै भाँचेको मँसिर १८ गतेको टुडे एक्सप्रेस दैनिकमा पत्रकार कमलेश ठाकुरले समाचार लेखेका छन् । 

 

योजना बाँडफाँडमा भागबण्डा नमिलेपछि धनुषाको धनौजी गाउँपालिकाले अझै बजेट ल्याउन सकेका छैन । असार १० गते भित्र ल्याइसक्नु पर्ने बजेट कार्यपालिका सदस्यको असन्तुष्टीका कारण बजेट ल्याउन नसकेको हो। गाउँसभा गर्ने विषयमा छलफल गर्नको लागि मंगलबार नगर प्रमुख बद्री नरायण सिंहले आय व्यय पारदर्शी नगरी भ्रष्टाचार गरको उप प्रमुख मण्डलको आरोप छ । 

 

‘गत वर्षको हर हिसाव पारदर्शी भएको छैन् । विकासको कामदेखि कोरोना महामारी शीर्षकमा भएको सबै काममा अनियमितता देखिएको छ,’ उनले भनिन्, ‘हर हिसाव पारदर्शी नभएसम्म गाउँसभा हुदैन ।’ यता, गाउँपालिका प्रमुख सिंहले कर्मचारी सरुवाका कारण बजेट ल्याउन नसकेको प्रतिक्रिया दिएर पञ्छिए । 

 

गाउँपालिकामा कुनै विवाद नरहेको भन्दै कोरोना महामारी र पटक–पटक हुने गरको कर्मचारी सरुवाका कारण बजेट ल्याउन ढिलो भएको उनको तर्क छ । धनुषाको गणेशमान चारनाथ नगरपालिका प्रमुख र उप प्रमुखबीचको टकरावले दुई महिना पहिले नीति तथा कार्यक्रम ल्याएपनि बजेट अन्योलमा परको छ ।

 

कार्यापालिका सदस्यको अनुपस्थिति देखाएर नीति तथा कार्यक्रम बहुमतले नै पारित भयो। तर, असन्तुष्ट सदस्यबीच नीति तथा कार्यक्रम ल्याएपनि बजेट अझै ल्याउन सकेन । पूर्वी धनुषाको कमला नगरपालिकाले पनि जनप्रतिनिधिकै विवादका कारण अझै बजेट ल्याउन सकेको छैन् । रकम र योजना बाँडफाँडमा मतभेद हुँदा नीति तथा कार्याक्रम र बजेट आउन नसकेको नगर प्रमुख रामउदगार गोईतले बताए । 

  • 0%
  • 75%
  • 0%
  • 0%
  • 0%
  • 25%

दलित बालिका बलात्कार प्रकरणमा प्रहरीद्धारा नै घटना दबाउने प्रयास

  • २०७७ मङ्सिर १८ बिहीबार

न्यूज ब्यूरो, वीरगँज ।  पर्सा प्रहरीले नै दलित बालिका बलात्कार घटना दबाउने प्रयास गरेको आरोप लागेको छ । बिचौलियाको सक्रियतामा प्रहरी अधिकारीले बलात्कारको मुद्दा दर्ता गर्न अनाकानी गरेको पीडित पक्षको आरोप

पूरा पढ्नुहोस्

Bureau Menus