जनकपुरः सरकारी गाडीमा दारु तस्करी

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरदेखि केही दुरीमा रहेको धनुषाको धनौजीमा सरकारी गाडीको चरम दुरुपयोग गरिएको पाइएको छ ।

धनुषाको धनौजी गाउँपालिका वडा नम्बर २ धनौजी बजारमा आईतबार साँझ सरकारी नम्बर प्लेट गाडीमा मदिरा (दारु) तस्करी गरिएको तस्विर न्यूज ब्यूरोले कैद गरेको हो ।

न्यूज ब्यूरोका सहकर्मी मुकेश पण्डितले आईतबार साँझ धनौजीमा लाग्ने गरेको सार्वजनिक बजारमा सरकारी नम्बर प्लेटको गाडीमा मदिरा (रक्सी) तस्करी गरिरहेको तस्विर कैदन गर्न सफल भएको हो ।

प्रदेश २–०२–००१ ब ००३५ नम्बरको सवारीमा साँझ करिब ६ः३० बजेको समयमा गाडीमा तस्करीको रक्सी बोकेर लोड गरिरहेको अवस्थामा पाईएको हो ।

सो सरकारी गाडी विदेह नगरपालिकाको कुनै वडाको रहेको अनुमान गरिएको छ । यद्यपी, गाडी कहाँको रहेको भन्ने यकिन गरिएको छैनन् ।